ദിവസങ്ങള്‍ക്ക് മുമ്പ് ഗള്‍ഫില്‍ നിന്നെത്തിയ ആളെ കാണാതായി

Husain

മഞ്ചേശ്വരം: പത്തു ദിവസം മുമ്പ് ഗള്‍ഫില്‍ നിന്നും നാട്ടിലെത്തിയ ആളെ കാണാനില്ലെന്ന പരാതിയുമായി ഭാര്യ പോലീസ് സ്‌റ്റേഷനില്‍. മഞ്ചേശ്വരം ഗേറ്റിനു സമീപം ഉസ്മാന്‍ ക്വാര്‍ട്ടേഴ്‌സില്‍ താമസിക്കുന്ന ഹുസൈനെ (55) യാണ് കാണാതായത്. ഗള്‍ഫില്‍ ഡ്രൈവറായിരുന്ന ഹുസൈന്‍ മാര്‍ച് ഏഴിനാണ് നാട്ടിലെത്തിയത്.

ഗള്‍ഫിലേക്ക് തിരിച്ചു പോകാനുള്ള വിസയ്ക്കുള്ള പണവുമായി മാര്‍ച് 12 ന് ഉപ്പളയിലേക്ക് പുറപ്പെട്ട ഹുസൈന്‍ തിരച്ചുവന്നില്ലെന്നാണ് ഭാര്യ സൗദ മഞ്ചേശ്വരം പോലീസില്‍ നല്‍കിയ പരാതിയില്‍ പറയുന്നത്. വീട്ടില്‍ നിന്നിറങ്ങുമ്പോള്‍ നീല ജീന്‍സും പാന്റ്‌സുമാണ് ധരിച്ചിരുന്നത്. മഞ്ചേശ്വരം പോലീസ് കേസെടുത്ത് അന്വേഷണം ആരംഭിച്ചു. ഹുസൈനെ കണ്ടെത്തുന്നവര്‍ 04998272640 നമ്പറില്‍ അറിയിക്കണമെന്ന് മഞ്ചേശ്വരം പോലീസ് അറിയിച്ചു.