റോഡ് മുറിച്ചു കടക്കുന്നതിനിടെ കാറിടിച്ച് വഴിയാത്രക്കാരന് ഗുരുതരം

By Web Desk - MainSep 10, 2018, 18:03 IST

ചട്ടഞ്ചാല്‍: (www.kasargodvartha.com 10.09.2018) റോഡ് മുറിച്ചു കടക്കുന്നതിനിടെ കാറിടിച്ച് വഴിയാത്രക്കാരന് ഗുരുതരമായി പരിക്കേറ്റു. ബെണ്ടിച്ചാലിലെ സി എ മുഹമ്മദിനാണ് (66)ഗുരുതരമായി പരിക്കേറ്റത്. മുഹമ്മദിനെ ആശുപത്രിയില്‍ പ്രവേശിപ്പിച്ചു. തിങ്കളാഴ്ച ഉച്ചയ്ക്ക് ശേഷം മൂന്നു മണിയോടെ ചട്ടഞ്ചാലില്‍ വെച്ചാണ് അപകടമുണ്ടായത്.

റോഡ് മുറിച്ചു കടക്കുകയായിരുന്ന മുഹമ്മദിനെ റോഡിലൂടെ സഞ്ചരിക്കുകയായിരുന്ന കാറിടിക്കുകയായിരുന്നു. പരിക്കേറ്റ മുഹമ്മദിനെ ഇടിച്ച കാറില്‍ തന്നെയാണ് ആശുപത്രിയിലെത്തിച്ചതെന്നാണ് വിവരം.