നഗരത്തിലെ കുറ്റിക്കാട്ടില്‍ അജ്ഞാത യുവാവ് തൂങ്ങി മരിച്ച നിലയില്‍

കാസര്‍കോട്: (www.kasargodvartha.com 26.05.2014) നഗരത്തിലെ കുറ്റിക്കാട്ടിനുള്ളിലെ ശീമക്കൊന്ന മരത്തില്‍ യുവാവിനെ തൂങ്ങി മരിച്ച നിലയില്‍ കണ്ടെത്തി. 25 വയസ് തോന്നിക്കുന്നയാളെയാണ് തിങ്കളാഴ്ച രാവിലെ എട്ട് മണിയോടെ കാസര്‍കോട് പുതിയ ബസ് സ്റ്റാന്‍ഡിനടുത്ത ജെ.കെ ബാറിന് മുന്‍ വശത്ത് റോഡരികിലുള്ള മരത്തില്‍ തൂങ്ങി മരിച്ച നിലയില്‍ കണ്ടെത്തിയത്. കേബിള്‍ വയറിലാണ് തൂങ്ങിയിരിക്കുന്നത്.

തമിഴ്‌നാട് സ്വദേശിയെന്ന് സംശയിക്കുന്നു. വെള്ള നിറത്തില്‍ കറുത്തവരയുള്ള ഫുള്‍കൈ ഷര്‍ട്ടും കറുത്ത ജീന്‍സ് പാന്റുമാണ് ധരിച്ചിരിക്കുന്നത്. നാട്ടുകാര്‍ വിവരമറിയിച്ചതിനെ തുടര്‍ന്ന് ടൗണ്‍ പോലീസ് സ്ഥലത്തെത്തി. മൃതദേഹം പോസ്റ്റ് മോര്‍ട്ടത്തിനായി കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.