പറമ്പില്‍ ജോലി ചെയ്യുന്നതിനിടെ ഗൃഹനാഥന്‍ കിണറ്റില്‍ വീണ് മരിച്ചു

By Web Desk HubNov 16, 2019, 21:03 IST

കാസര്‍കോട്: (www.kasargodvartha.com 16.11.2019) വീട്ടുപറമ്പില്‍ ജോലി ചെയ്യുന്നതിനിടെ ഗൃഹനാഥന്‍ കിണറില്‍ വീണു മരിച്ചു. ബന്തടുക്ക മലാംകുണ്ടിലെ ആന്റണി പള്ളിക്ക (58)ലാണ് മരിച്ചത്. കഴിഞ്ഞദിവസം വൈകീട്ടാണ് സംഭവം.

മകളോടൊപ്പം പറമ്പില്‍ പണിയെടുക്കുന്നതിനിടെ ആന്റണി 30 അടി താഴ്ചയുള്ള കിണറില്‍ വീഴുകയായിരുന്നു. കിണറില്‍ 15 അടിയിലേറെ വെള്ളമുള്ളതിനാല്‍ ആര്‍ക്കും ഇറങ്ങാന്‍ പറ്റിയില്ല.

വിവരം ലഭിച്ചതിനെ തുടര്‍ന്ന് കുറ്റിക്കോലില്‍നിന്നെത്തിയ അഗ്നിശമന സേനാ ഉദ്യോഗസ്ഥരാണ് ആന്റണിയെ കരക്കെത്തിച്ചത്. ഉടന്‍ കാസര്‍കോട് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.