കാല്‍തെന്നി കിണറ്റില്‍ വീണ് ഗൃഹനാഥന്‍ മരിച്ചു

By Web Desk SNNov 11, 2017, 18:10 IST

ബദിയടുക്ക: (www.kasargodvartha.com 11.11.2017) കാല്‍തെന്നി കിണറ്റില്‍ വീണ് ഗൃഹനാഥന്‍ മരിച്ചു. ബെള്ളൂര്‍ കയര്‍പദവിലെ നാരായണന്‍- സീതമ്മ ദമ്പതികളുടെ മകന്‍ ജനാര്‍ദ്ദന (40)യാണ് മരിച്ചത്. വെള്ളിയാഴ്ച രാത്രി എട്ടു മണിയോടെയാണ് സംഭവം. കൂലിപ്പണി കഴിഞ്ഞ് സുഹൃത്തിന്റെ വീട്ടില്‍ പോയതായിരുന്നു. തിരിച്ചുവരുന്നതിനിടെയാണ് ജനാര്‍ദന അബദ്ധത്തില്‍ കാല്‍തെന്നി കിണറ്റില്‍ വീണത്.

ഉടന്‍ നാട്ടുകാര്‍ പുറത്തെടുത്ത് ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. ഭാര്യ: കുസുമ. മക്കള്‍: വിസ്മയ. രണ്ട് മാസം പ്രായമുള്ള ഒരു കുഞ്ഞും കൂടിയുണ്ട്.