റോഡ് മുറിച്ചു കടക്കുന്നതിനിടെ ലോറിയിടിച്ച് ഗൃഹനാഥന് ദാരുണാന്ത്യം

By Web Desk - MainFeb 12, 2019, 20:41 IST

കാസര്‍കോട്: (www.kasargodvartha.com 12.02.2019) റോഡ് മുറിച്ചു കടക്കുന്നതിനിടെ ലോറിയിടിച്ച് ഗൃഹനാഥന് ദാരുണാന്ത്യം. എരിയാല്‍ ഇ വൈ സി സി ക്ലബിനു സമീപം ചൊവ്വാഴ്ച രാത്രി 7.15 മണിയോടെയാണ് അപകടമുണ്ടായത്.

എരിയാല്‍ ചേരങ്കൈയിലെ സി എച്ച് മുഹമ്മദ് കുഞ്ഞി (67)യാണ് മരിച്ചത്. മംഗളൂരുവില്‍ നിന്നും കാസര്‍കോട് ഭാഗത്തേക്ക് വരികയായിരുന്ന ലോറിയാണ് അപകടം വരുത്തിയത്. ഗുരുതരമായി പരിക്കേറ്റ മുഹമ്മദ് കുഞ്ഞിയെ ഓടിക്കൂടിയ നാട്ടുകാര്‍ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

ഖദീജ, പരേതയായ ആഇഷ എന്നിവര്‍ ഭാര്യമാരാണ്. മക്കള്‍: സുഹ്‌റ, ഇബ്രാഹിം നൗഷാദ് (കപ്പല്‍ ജീവനക്കാരന്‍), റഹീം (ബഹ്‌റൈന്‍), ആഇഷ, ഷംസീര്‍, റംഷീന, മറിയം. ഹനീഫ പെരിങ്കടി, മജീദ്, നവാസ് തുടങ്ങിയവര്‍ സഹോദരങ്ങളാണ്.