വീട്ടുജോലിക്കിടെ വീടിനു മുകളില്‍ നിന്നും വീണ് ഗൃഹനാഥന്‍ മരിച്ചു

കാഞ്ഞങ്ങാട്: (www.kasargodvartha.com 06.05.2020) വീട്ടുജോലിക്കിടെ വീടിനു മുകളില്‍ നിന്നും വീണ് ഗൃഹനാഥന്‍ മരിച്ചു. അട്ടേങ്ങാനം പാല്‍ക്കുളം ക്ഷേത്രത്തിന് സമീപത്തെ പരേതനായ വേങ്ങയില്‍ കര്‍ത്തമ്പു- തമ്പായി ദമ്പതികളുടെ മകന്‍ ഗോപകുമാര്‍ (ബിജു- 47) ആണ് മരിച്ചത്. ബുധനാഴ്ച ഉച്ചയോടെയാണ് സംഭവം.

സ്വന്തം വീട്ടില്‍ പെയ്ന്റിംഗ് ജോലിയില്‍ ഏര്‍പെട്ടിരിക്കുകയായിരുന്നു ഗോപകുമാര്‍. ഇതിനിടെയാണ് അബദ്ധത്തില്‍ കാലുതെന്നി മുകളില്‍ നിന്നും താഴെ വീണത്. ഉടനെ തന്നെ മാവുങ്കാല്‍ സഞ്ജീവനി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

കുവൈത്തിലെ എണ്ണക്കമ്പനി ജീവനക്കാരനായ ഗോപകുമാര്‍ രണ്ടുമാസം മുമ്പാണ് നാട്ടിലെത്തിയത്. ഭാര്യ: രജനി. മക്കള്‍: രേവതി, ശ്രീക്കുട്ടി (ഇരുവരും കോടോത്ത് സ്‌കൂള്‍ വിദ്യാര്‍ത്ഥികള്‍). സഹോദരങ്ങള്‍: കുഞ്ഞിരാമന്‍, സുകുമാരന്‍, സാവിത്രി, പരേതരായ നാരായണന്‍, ജാനകി.

Keywords: Kasaragod, Kanhangad, Kerala, News, Man, Death, Man died after fell from terrace