മദ്യവില്‍പന കേന്ദ്രത്തില്‍ തര്‍ക്കം; മര്‍ദനമേറ്റ് യുവാവ് ആശുപത്രിയില്‍

കാസര്‍കോട്: മദ്യവില്‍പന കേന്ദ്രത്തിലുണ്ടായ തര്‍ക്കത്തെ തുടര്‍ന്ന് യുവാവിന് മര്‍ദനമേറ്റു. ബേക്കലിലെ കുണ്ടാരന്റെ മകന്‍ പ്രഭാകരനാ (45) ണ് ചൊവ്വാഴ്ച രാത്രി നെല്ലിക്കുന്ന് കടപ്പുറത്തെ മദ്യവില്‍പന കേന്ദ്രത്തില്‍ വെച്ച് മര്‍ദനമേറ്റത്. നെല്ലിക്കുന്ന് കടപ്പുറത്തെ ഭാര്യാ വീട്ടില്‍ വന്നതായിരുന്നു പ്രഭാകരന്‍.

അതിനിടെയാണ് മദ്യപിക്കാനായി കടപ്പുറത്തെ വില്‍പന കേന്ദ്രത്തിലെത്തിയത്. മദ്യം വാങ്ങിക്കഴിച്ചതിന്റെ പണത്തില്‍ അല്‍പം കുറവുള്ള കാര്യം സൂചിപ്പിച്ചപ്പോള്‍ വാക്ക്തര്‍ക്കമുണ്ടാവുകയും വില്‍പനക്കാരായ സാജു, മണികണ്ഠന്‍ എന്നിവര്‍ സോഡാക്കുപ്പി കൊണ്ട് അടിക്കുകയുമായിരുന്നുവെന്ന് പ്രഭാകരന്‍ പറഞ്ഞു. നെറ്റിക്ക് പരിക്കേറ്റ പ്രഭാകരനെ ജനറല്‍ ആശുപത്രിയില്‍ പ്രവേശിപ്പിച്ചു.

Keywords:  Attack, Youth, Hospital, Bekal, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.