കാട്ടുപന്നിയെ കറിവെച്ച് ഇറച്ചിയാക്കിയ യുവാവിനെ വനംവകുപ്പ് ഉദ്യോഗസ്ഥര്‍ അറസ്റ്റ് ചെയ്തു

By Web Desk HubOct 15, 2019, 23:02 IST

കാസര്‍കോട്: (www.kasargodvartha.com 15.10.2019) കാട്ടുപന്നിയെ കറിവെച്ച് ഇറച്ചിയാക്കിയ യുവാവിനെ വനംവകുപ്പ് ഉദ്യോഗസ്ഥര്‍ അറസ്റ്റ് ചെയ്തു. ദേലംപാടി പരപ്പ കുറ്റിമുണ്ടയില്‍ കെ ജയപ്രകാശിനെ (35)യാണ് അറസ്റ്റ് ചെയ്തത്. കറിവെച്ച ഇറച്ചിയും ഇയാളില്‍നിന്ന് പിടികൂടി.

രഹസ്യ വിവരം കിട്ടിയതിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇവ പിടികൂടിയത്. കാട്ടുപന്നിയുടെ ജഢാവശിഷ്ടങ്ങള്‍ വീട്ടുപറമ്പില്‍ കുഴിച്ചിട്ട നിലയിലും കണ്ടെത്തി.

കോടതിയില്‍ ഹാജരാക്കിയ പ്രതിയെ സി ജെ എം കോടതി രണ്ടാഴ്ചത്തേക്ക് റിമാന്‍ഡ് ചെയ്തു.