ഒളിവില്‍ കഴിയുകയായിരുന്ന കഞ്ചാവ് കടത്തു കേസ് പ്രതി അറസ്റ്റില്‍

കാസര്‍കോട്: (www.kasargodvartha.com 22.07.2014) ഒളിവില്‍ കഴിയുകയായിരുന്ന കഞ്ചാവ് കേസിലെ പ്രതിയെ ഒരു വര്‍ഷത്തിന് ശേഷം പോലീസ് അറസ്റ്റ് ചെയ്തു. തിരുവനന്തപുരം ആറ്റിങ്ങല്‍ അഞ്ചുതെങ്ങ് ഒന്നാം പാലം സ്വദേശി രത്‌നകുമാര്‍ എന്ന കുമാറിനെയാണ് (44) കാസര്‍കോട് നാര്‍ക്കോട്ടിക് സെല്‍ ഡി.വൈ.എസ്.പി കെ.സുരേഷ് ബാബുവും സംഘവും അറസ്റ്റ് ചെയ്തത്.

2013 ജൂണ്‍ എട്ടിന് കാസര്‍കോട് റെയില്‍വേ സ്‌റ്റേഷന്‍ പരിസരത്ത് വെച്ച് മൂന്ന് കിലോ കഞ്ചാവുമായി കാസര്‍കോട്ടുകാരനായ അനസ് എന്നയാളെ പോലീസ് അറസ്റ്റ് ചെയ്തിരുന്നു. ഇയാളെ ചോദ്യം ചെയ്തപ്പോള്‍ ലഭിച്ച വിവരത്തിന്റെ അടിസ്ഥാനത്തിലാണ് രത്‌ന കുമാറിനെതിരെയും പോലീസ് കേസെടുത്തത്.

രത്‌ന കുമാറാണ് തനിക്ക് കഞ്ചാവ് എത്തിച്ച് തരുന്നതെന്നായിരുന്നു അനസിന്റെ മൊഴി. എസ്.ഐ കമലാക്ഷന്‍, പോലീസുകാരായ മഹേന്ദ്രന്‍, രാജീവന്‍ എന്നിവരും പ്രതിയെ അറസ്റ്റ് ചെയ്ത സംഘത്തിലുണ്ടായിരുന്നു.