രക്ഷകനായെത്തി പെണ്‍കുട്ടിയെ ഗര്‍ഭിണിയാക്കിയ ബന്ധുവിന് 7 വര്‍ഷം തടവ്

കാസര്‍കോട്: പ്രായ പൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ സംഭവത്തില്‍ കുടുംബത്തിന്റെ രക്ഷകനായി എത്തിയ ബന്ധുവിനെ കോടതി ഏഴ് വര്‍ഷം കഠിന തടവിനും 5000 രൂപ പിഴയടക്കാനും ശിക്ഷിച്ചു. കുമ്പഡാജെ എ.പി സര്‍ക്കിള്‍ മുതിലംമൂലയിലെ രാമ എന്ന ബാബുവി(41)നെയാണ് കാസര്‍കോട് അസി.സെഷന്‍സ് കോടതി ജഡ്ജ് എ.വി.മൃദുല ശിക്ഷിച്ചത്.

2002 എപ്രിലിലായിരുന്നു കേസിനാസ്പദമായ സംഭവം. പിതാവ് മരിച്ച പെണ്‍കുട്ടിയുടെ കുടുംബത്തെ രക്ഷിക്കാനെന്ന വ്യാജേന എത്തിയ രാമ കുട്ടിയെ ഭീഷണിപ്പെടുത്തി പീഡിപ്പിച്ച് ഗര്‍ഭിണിയാക്കുകയായിരുന്നുവെന്നാണ് കേസ്. പെണ്‍കുട്ടി പിന്നീട് പ്രസവിച്ചു. അഡ്വ.കെ.വിനോദ് കുമാറാണ് പബ്ലിക്ക് പ്രോസിക്യൂട്ടര്‍.