മദ്രസാ വിദ്യാര്‍ത്ഥിയായ മകനെ കാണാനില്ലെന്ന് മാതാവിന്റെ പരാതി; പോലീസ് അന്വേഷണം ആരംഭിച്ചു

മഞ്ചേശ്വരം: (www.kasargodvartha.com 22.01.2019) മദ്രസാ വിദ്യാര്‍ത്ഥിയായ മകനെ കാണാനില്ലെന്ന് മാതാവിന്റെ പരാതി. സംഭവത്തില്‍ പോലീസ് അന്വേഷണം ആരംഭിച്ചു. മധൂര്‍ പന്നിപ്പാറയിലെ മുഹമ്മദ് ഹനീഫയുടെ മകന്‍ മുഹമ്മദ് അനസിനെ (16)യാണ് കാണാതായത്. 20 മുതല്‍ മകനെ കാണാനില്ലെന്ന് മാതാവ് രേഷ്മ മഞ്ചേശ്വരം പോലീസില്‍ നല്‍കിയ പരാതിയില്‍ പറയുന്നു.

ഉപ്പള മണ്ണംകുഴി മുഹമ്മദിയ്യ മദ്രസാ വിദ്യാര്‍ത്ഥിയായ അനസ് 20ന് രാവിലെ വീട്ടിലേക്കാണെന്ന് പറഞ്ഞ് പുറപ്പെട്ടതാണെന്നും എന്നാല്‍ വീട്ടിലെത്തിയില്ലെന്നും പലയിടങ്ങളിലും അന്വേഷിച്ചെങ്കിലും കണ്ടെത്താനായില്ലെന്നും മാതാവ് പരാതിപ്പെട്ടു.