ദേശീയപാതയില്‍ കസേര കയറ്റി പോവുകയായിരുന്ന ലോറി നിയന്ത്രണം വിട്ട് മറിഞ്ഞു; ഡ്രൈവര്‍ക്ക് പരിക്ക്

By Web Desk - MainAug 15, 2019, 18:58 IST

ചെറുവത്തൂര്‍: (www.kasargodvartha.com 15.08.2019) ദേശീയപാതയില്‍ കസേര കയറ്റി പോവുകയായിരുന്ന ലോറി നിയന്ത്രണം വിട്ട് മറിഞ്ഞു. അപകടത്തില്‍ ഡ്രൈവര്‍ക്ക് പരിക്കേറ്റു. പിലിക്കോട് പടുവളത്ത് വ്യാഴാഴ്ച രാവിലെയാണ് അപകടം. എറണാകുളത്തു നിന്നും കാസര്‍കോട്ടേക്ക് ഫൈബര്‍ കസേരകളുമായി പോവുകയായിരുന്ന ലോറിയാണ് നിയന്ത്രണംവിട്ട് മറിഞ്ഞത്.

ലോറി ഡ്രൈവര്‍ രാജുവിന് (38) പരിക്കേറ്റു. ഇയാളെ ചെറുവത്തൂര്‍ കെ എ എച്ച് ആശുപത്രിയില്‍ പ്രവേശിപ്പിച്ചു. വിവരമറിഞ്ഞ് ചന്തേര പോലീസും സ്ഥലത്തെത്തിയിരുന്നു.