നിയന്ത്രണംവിട്ട ലോറി മതിലിലേക്ക് പാഞ്ഞുകയറി; ഡ്രൈവറും സഹായിയും രക്ഷപ്പെട്ടത് ഭാഗ്യം കൊണ്ട്

By Web Desk - MainJun 24, 2019, 16:04 IST

കാഞ്ഞങ്ങാട്: (www.kasargodvartha.com 24.06.2019) നിയന്ത്രണംവിട്ട ലോറി മതിലിലേക്ക് പാഞ്ഞുകയറി. കെ എസ് ടി പി റോഡില്‍ പഴയ ജില്ലാ ആശുപത്രിക്കു സമീപം തിങ്കളാഴ്ച പുലര്‍ച്ചെയാണ് അപകടമുണ്ടായത്. ലിറ്റില്‍ ഫ്ളവര്‍ സ്‌കൂളിലേക്ക് പോകുന്ന റോഡിനോട് ചേര്‍ന്നുള്ള മതിലിലേക്കാണ് ലോറി ഇടിച്ചത്. സമീപത്തെ ഷെഡും തകര്‍ന്നു.

അപകട സ്ഥലത്തിനടുത്തു കൂടി കടന്നു പോകുന്ന ഹൈടെന്‍ഷന്‍ വൈദ്യുതി പോസ്റ്റില്‍ ലോറി ഇടിക്കാതിരുന്നതിനാല്‍ വന്‍ ദുരന്തം ഒഴിവായി. അപകടത്തില്‍ ലോറി ഡ്രൈവര്‍ക്കും സഹായിക്കും നിസാര പരിക്കേറ്റു.