മാങ്ങയുമായി മുംബൈയിലേക്ക് പോവുകയായിരുന്ന ലോറി നിയന്ത്രണംവിട്ട് മറിഞ്ഞ് 2 പേര്‍ക്ക് പരിക്ക്

By Web Desk - MainApr 3, 2019, 11:04 IST

പെരിയ: (www.kasargodvartha.com 02.04.2019) മാങ്ങയുമായി മുംബൈയിലേക്ക് പോവുകയായിരുന്ന ലോറി നിയന്ത്രണംവിട്ട് മറിഞ്ഞ് രണ്ടു പേര്‍ക്ക് പരിക്കേറ്റു. ദേശീയപാതയില്‍ പുല്ലൂരിലാണ് ചൊവ്വാഴ്ച ഉച്ചയോടെ അപകടമുണ്ടായത്. ലോറി ഡ്രൈവര്‍മാരായ പട്ടാമ്പി സ്വദേശി ഫൈസല്‍ (35), പെരിന്തല്‍മണ്ണയിലെ സുരേന്ദ്രന്‍ (38) എന്നിവര്‍ക്കാണ് പരിക്കേറ്റത്.

ഇവരെ കാഞ്ഞങ്ങാട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. പാലക്കാട്ട് നിന്നും മുംബൈയിലേക്ക് മാങ്ങയുമായി പോവുകയായിരുന്ന ലോറിയാണ് അപകടത്തില്‍പെട്ടത്.