ടോറസ് ലോറി നിയന്ത്രണംവിട്ട് വൈദ്യുതി തൂണിലിടിച്ച ശേഷം കുഴിയിലേക്ക് മറിഞ്ഞു

By Web Desk - MainDec 30, 2019, 11:44 IST

പൊയ്‌നാച്ചി: (www.kasargodvartha.com 30.12.2019) ടോറസ് ലോറി നിയന്ത്രണംവിട്ട് വൈദ്യുതി തൂണിലിടിച്ച ശേഷം കുഴിയിലേക്ക് മറിഞ്ഞു. അപകടത്തില്‍ ഡ്രൈവറും ക്ലീനറും പരിക്കേല്‍ക്കാതെ രക്ഷപ്പെട്ടു. പൊയിനാച്ചി നോര്‍ത്തിലെ വളവില്‍ ഞായറാഴ്ച പുലര്‍ച്ചെ 1.45 മണിയോടെയാണ് അപകടമുണ്ടായത്. മംഗളൂരു ഭാഗത്തേക്ക് പോവുകയായിരുന്ന ടോറസ് ലോറിയാണ് പല ജംഗ്ഷനുകളിലേക്ക് വൈദ്യുതിലൈന്‍ കടന്നുപോകുന്ന ഇന്റര്‍ലിങ്ക് തൂണില്‍ ഇടിച്ച് സമീപത്തെ കുഴിയിലേക്ക് വീണത്.

ചട്ടഞ്ചാല്‍ കെ എസ് ഇ ബി അധികൃതരെത്തി രാത്രി വൈദ്യുതി ബന്ധം വിച്ഛേദിക്കുകയും തുടര്‍ന്ന് ഞായറാഴ്ച ഉച്ചയ്യോടെ പൊയിനാച്ചി ഭാഗങ്ങളില്‍ വൈദ്യുതിവിതരണം പുനഃസ്ഥാപിക്കുകയും ചെയ്തു.