മദ്യവില്‍പന മുഖ്യതൊഴിലായി സ്വീകരിച്ച നിരവധി കേസിലെ പ്രതി എക്‌സൈസിനെ കണ്ട് മദ്യവും ബൈക്കും ഉപേക്ഷിച്ച് രക്ഷപ്പെട്ടു

By WebDesk OmegaAug 3, 2019, 12:51 IST

കാസര്‍കോട്: (www.kvartha.com 03.08.2019) മദ്യവില്‍പന മുഖ്യതൊഴിലായി സ്വീകരിച്ച നിരവധി കേസിലെ പ്രതി എക്‌സൈസിനെ കണ്ട് മദ്യവും ബൈക്കും ഉപേക്ഷിച്ച് രക്ഷപ്പെട്ടു. പള്ളിക്കര തൊട്ടി കിഴക്കേക്കരയിലെ രവീന്ദ്രന്‍ എന്ന തൊട്ടിരവിയാണ് രക്ഷപ്പെട്ടത്. കെഎല്‍ 14 എ 6145 നമ്പര്‍ ബൈക്കും 6 ലിറ്റര്‍ മദ്യവും എക്‌സൈസ് കസ്റ്റഡിയിലെടുത്തു.

ദീര്‍ഘനാളായി മദ്യ വില്‍പന നടത്തി തൊട്ടി കിഴക്കേക്കരയിലെ നാട്ടുകാരുടെ സൈ്വര്യവിഹാരം തടസ്സപെടുത്തുകയും പൊതുജനങ്ങളെ വെല്ലുവിളിച്ചും അനധികൃതമായി മദ്യവില്‍പന നടത്തി വരികയായിരുന്നുവെന്ന് എക്‌സൈസ് പറഞ്ഞു. നാട്ടുകാരുടെ പരാതിയില്‍ പലതവണ രവീന്ദ്രന്റെ വീട്ടിലും പരിസരത്തും റെയ്ഡ് നടത്തിയെങ്കിലും പിടികൂടാനായില്ല.