ബസ് കാത്തിരിപ്പ് കേന്ദ്രത്തിന് സമീപത്തിരുന്ന് മദ്യപാനം; നാലംഗ സംഘത്തിന് 9,000 രൂപ പിഴയിട്ടു

By Web Desk - MainSep 12, 2018, 16:11 IST

കാഞ്ഞങ്ങാട്: (www.kasargodvartha.com 12.09.2018) ബസ് കാത്തിരിപ്പ് കേന്ദ്രത്തിന് സമീപത്ത് വെച്ച് പരസ്യമായി മദ്യപാനത്തിലേര്‍പ്പെട്ട നാലംഗസംഘത്തെ കോടതി ശിക്ഷിച്ചു. മൈലാട്ടിയിലെ എം ദാമോദരന്‍ (42), ശങ്കര എം കെ (49), ഉമുദ ബാരയിലെ വിനോദ് എം (25), പള്ളിക്കര പട്ടത്താനത്തെ കിരണ്‍ കുമാര്‍ (25) എന്നിവരെയാണ് ഹൊസ്ദുര്‍ഗ് ജുഡീഷ്യല്‍ മജിസ്ട്രേറ്റ് ഒന്നാം ക്ലാസ് കോടതി 9,000 രൂപ പിഴയടക്കാന്‍ ശിക്ഷിച്ചത്.

2018 ജൂണ്‍ 30ന് പാലക്കുന്ന് ബസ് കാത്തിരിപ്പ് കേന്ദ്രത്തിന് സമീപം മദ്യപാനത്തിലേര്‍പ്പെട്ട നാലംഗസംഘത്തെ ബേക്കല്‍ പോലീസ് പിടികൂടി കേസെടുക്കുകയായിരുന്നു.