ആര്‍.ടി ഓഫീസിലെ മൂത്രപ്പുരയില്‍ മദ്യക്കുപ്പികള്‍

കാസര്‍കോട്: കലക്‌ട്രേറ്റ് പരിസരത്ത് മദ്യപിച്ചതിന് ശേഷം കുപ്പികള്‍ മൂത്രപ്പുരയിലെ ക്ലോസറ്റില്‍ തള്ളുന്നത് ആര്‍.ടി ഓഫീസിലെ ജീവനക്കാര്‍ക്കും ഓഫീസിലെത്തുന്ന പൊതു ജനങ്ങള്‍ക്കും ദുരിതമായി. കലക്‌ട്രേറ്റില്‍ പ്രവര്‍ത്തിക്കുന്ന ആര്‍.ടി ഓഫീസിലെ മൂത്രപ്പുരയിലാണ് നിരവധി മദ്യക്കുപ്പികള്‍ തള്ളിയിരിക്കുന്നത്. ഇതു മൂലം ആളുകള്‍ക്ക് ഇവിടെ പ്രാഥമിക കൃത്യങ്ങള്‍ നിര്‍വഹിക്കാന്‍ കഴിയാത്ത സ്ഥിതിയാണ്.

കഴിഞ്ഞ ദിവസം രാവിലെ ജീവനക്കാര്‍ ഓഫീസിലെത്തിയപ്പോഴാണ് മൂത്രപ്പുരയിലെ ക്ലോസറ്റില്‍ മദ്യക്കുപ്പികള്‍ തള്ളിയത് കണ്ടത്. ഇക്കാര്യം മേലധികാരികളെ അറിയിച്ചെങ്കിലും കുപ്പികള്‍ മാറ്റാനോ മൂത്രപ്പുര ശുചീകരിക്കാനോ നടപടിയുണ്ടായില്ല.

കലക്‌ട്രേറ്റിലെ മറ്റു ചില ഓഫീസുകളിലെ ബാത്ത്‌റൂമുകളിലും മദ്യക്കുപ്പികളും പുകയില ഉല്‍പന്നങ്ങളും കൊണ്ടു തള്ളുന്നതായും പരാതിയുണ്ട്. സ്ത്രീകളുടെ മൂത്രപ്പുരയുടെ വാതില്‍ തകര്‍ന്നു കിടക്കുന്നത് വനിതാ ജീവനക്കാര്‍ക്കും ഓഫീസിലെത്തുന്ന സ്ത്രീകള്‍ക്കും പ്രയാസമുണ്ടാകുന്നു.