വീട്ടില്‍ ഉറങ്ങിക്കിടക്കുകയായിരുന്ന വിദ്യാര്‍ത്ഥി മിന്നലേറ്റ് മരിച്ചു

ഉപ്പള: (www.kasargodvartha.com 27.04.2014) ബായാറില്‍ വീട്ടില്‍ ഉറങ്ങിക്കിടക്കുകയായിരുന്ന വിദ്യാര്‍ത്ഥി മിന്നലേറ്റ് മരിച്ചു. വിട്ഌയിലെ സ്വകാര്യ കോളജില്‍ രണ്ടാം വര്‍ഷ പി.യു.സി. വിദ്യാര്‍ത്ഥിയും ബായാര്‍ നെത്തളഗുളിയിലെ കര്‍ഷകന്‍ ദയാനന്ദന്റെ മകനുമായ ഡി. എന്‍. നവീന്‍ (18) ആണ് മരിച്ചത്.

ശനിയാഴ്ച രാത്രി 9.30 മണിയോടെയാണ് സംഭവം. ശക്തമായ മിന്നലുണ്ടായപ്പോള്‍ നവീന്‍ നിലവിളിക്കുകയായിരുന്നു. ഞെട്ടിയുണര്‍ന്ന മറ്റുള്ളവര്‍ അബോധാവസ്ഥയില്‍ കണ്ട നവീനിനെ ഉടന്‍ ആശുപത്രിയില്‍ എത്തിച്ചെങ്കിലും അപ്പോഴേക്കും മരിച്ചിരുന്നു. മൃതദേഹം പിന്നീട് കാസര്‍കോട് ജനറല്‍ ആശുപത്രിയിലേക്കു മാറ്റി.

മാതാവ്: ശാലിനി. ദീപക് ഏക സഹോദരനാണ്. നവീനിന്റെ ദാരുണമരണം നാടിനെ നടുക്കി.