കാസര്‍കോട്ട് പുതുവത്സര ദിനത്തില്‍ വനിതാ ഐ പി എസ് ഓഫീസര്‍ ചുമതലയേല്‍ക്കും; വനിതാ ഓഫീസറെത്തുന്നത് ചരിത്രത്തില്‍ ആദ്യമായി

കാസര്‍കോട്: (www.kasargodvartha.com 15.12.2018) കാസര്‍കോട്ട് പുതുവത്സര ദിനത്തില്‍ വനിതാ ഐ പി എസ് ഓഫീസര്‍ ചുമതലയേല്‍ക്കും. കര്‍ണാടക സ്വദേശിനി ഡി. ശില്‍പയാണ് കാസര്‍കോട് എ എസ് പിയായി ചുമതലയേല്‍ക്കുന്നത്. ചരിത്രത്തില്‍ ആദ്യമായാണ് ഒരു വനിതാ ഐ പി എസ് ഓഫീസര്‍ കാസര്‍കോട്ട് ചുമതലയേല്‍ക്കുന്നത്. ഡിസംബര്‍ 31ന് കാസര്‍കോട് ഡി വൈ എസ് പി എം വി സുകുമാരന്‍ വിരമിക്കുന്നതിന്റെ ഭാഗമായാണ് വനിതാ ഐ പി എസ് ഓഫീസറെ കാസര്‍കോട് എ എസ് പിയായി നിയമിച്ചിരിക്കുന്നത്.

ഇതുസംബന്ധിച്ചുള്ള ഉത്തരവ് ഗവര്‍ണര്‍ക്കു വേണ്ടി അഡീ. സെക്രട്ടറി എം സി വത്സലകുമാരനാണ് പുറത്തിറക്കിയിരിക്കുന്നത്. കാസര്‍കോടിനെ കൂടാതെ ചേര്‍ത്തലയില്‍ ആര്‍ വിശ്വനാഥ്, തിരുവനന്തപുരം ശംഖുമുഖത്ത് ആര്‍ ഇലാംഗോ, മാനന്തവാടിയില്‍ വൈഭവ് സക്‌സേന, തലശ്ശേരിയില്‍ അരവിന്ദ് സുകുമാര്‍ എന്നിവരെയും ഐ പി എസ് ഓഫീസര്‍മാരായി നിയമിച്ചിട്ടുണ്ട്.