എന്‍ഡോസള്‍ഫാന്‍: കുവൈത്ത് കെ.ഇ.എ സഹായധനം വിതരണം ചെയ്തു

കാസര്‍കോട്: കുവൈത്ത് കേന്ദ്രമായി പ്രവര്‍ത്തിക്കുന്ന കാസര്‍കോട്ടെ പ്രവാസികളുടെ കൂട്ടായ്മ (കെ.ഇ.എ) എന്‍ഡോസള്‍ഫാന്‍ ദുരിതബാധിതരായ 35 കുടുംബങ്ങള്‍ക്ക് 10, 000 രൂപ വീതമുള്ള ചെക്കുകള്‍ കൈമാറി. ഗള്‍ഫിലെ ദുഷ്‌കരമായ ജീവിതത്തിലും സഹജീവികളുടെ വിഷമത്തില്‍ അനുതപിക്കുന്ന പ്രവാസികളുടെ പ്രവര്‍ത്തനം തിളങ്ങുന്ന മാതൃകയാണെന്ന് ചടങ്ങ് ഉദ്ഘാടനം ചെയ്തു കൊണ്ട് എന്‍.എ നെല്ലിക്കുന്ന് എം.എല്‍.എ അഭിപ്രായപ്പെട്ടു.

എന്‍വിസാജ് ചീഫ് കോ-ഓഡിനേറ്റര്‍ ഹസ്സന്‍ മാങ്ങാട് അധ്യക്ഷത വഹിച്ചു. ജില്ലാ കലക്ടര്‍ വി.എന്‍ ജിതേന്ദ്രന്‍, എന്‍ഡോസള്‍ഫാന്‍ അസി. നോഡല്‍ ഓഫീസര്‍ മുഹമ്മദ് അഷീല്‍, എന്‍.പി.ആര്‍.പി.സി കോ-ഓഡിനേറ്റര്‍ എസ്. നസീം, കെ.ഇ.എ രക്ഷാധികാരി സത്താര്‍ കുന്നില്‍, ചാരിറ്റി കണ്‍വീനര്‍ സി.എച്ച് മുഹമ്മദ് കുഞ്ഞി, ജലീല്‍ ആരിക്കാടി, അനില്‍ കള്ളാര്‍, ഇബ്രാഹിം കൊട്ടോടി, പ്രൊഫ. എം.എ റഹ്്മാന്‍, മോഹനന്‍ പുലിക്കോടന്‍, ജി.ബി വത്സന്‍, എ.എസ് മുഹമ്മദ് കുഞ്ഞി തുടങ്ങിയവര്‍ ചടങ്ങില്‍ സംബന്ധിച്ചു.