കുമ്പള അണ്ടർപാസേജ്: നടപ്പാതയുടെ കൈവരി വളവിൽ തടസ്സമായി, ഗതാഗതക്കുരുക്ക് രൂക്ഷം
● ഇടുങ്ങിയ സർവീസ് റോഡിൽ വളവ് തിരിയാൻ കൈവരി തടസ്സമുണ്ടാക്കുന്നു.
● എതിരെ വരുന്ന വാഹനങ്ങൾ നിർത്തിയിടേണ്ട അവസ്ഥയുണ്ടാകുന്നു.
● കൈവരിയുടെ വളവ് നികത്തിയാൽ ഗതാഗതക്കുരുക്കിന് പരിഹാരമാവുമെന്ന് യാത്രക്കാർ.
● നാട്ടുകാരും വ്യാപാരികളും യാത്രക്കാരും ഉടൻ നടപടി ആവശ്യപ്പെടുന്നു.
കുമ്പള: (KasargodVartha) ടൂവേ സംവിധാനത്തിലേക്ക് മാറിയ കുമ്പള ടൗൺ അടിപ്പാത സർവീസ് റോഡിൽ ഗതാഗതക്കുരുക്ക് നിത്യസംഭവമാകുന്നു. അടിപ്പാതയിൽ വാഹനങ്ങൾക്ക് ടൗണിലേക്ക് തിരിയാനുള്ള വളവിൽ നടപ്പാതയുടെ കൈവരി സ്ഥാപിച്ചതിൽ നീളം കൂടിയതാണ് ഗതാഗതക്കുരുക്കിന് പ്രധാന കാരണമായി ചൂണ്ടിക്കാണിക്കപ്പെടുന്നത്.
അണ്ടർ പാസേജിൽ സ്ഥാപിച്ച നടപ്പാതയുടെയും, കൈവരിയുടെയും വളവ് നികത്തിയാൽ ഗതാഗതക്കുരുക്കിന് പരിഹാരമാവുമെന്ന് യാത്രക്കാർ പറയുന്നുണ്ട്. ഇടുങ്ങിയ സർവീസ് റോഡായതുകൊണ്ട് തന്നെ അടിപ്പാതയിൽനിന്ന് ബസ് സ്റ്റാൻഡിലേക്കും മറ്റ് വാഹനങ്ങൾക്കും ടൗണിലേക്ക് തിരിയാൻ കൈവരിയുടെ വലിപ്പം തടസ്സമുണ്ടാക്കുന്നു.
ഇതിന്റെ ഫലമായി എതിരെ വരുന്ന വാഹനങ്ങൾ നിർത്തിയിടേണ്ടതായും വരുന്നു. വളവിലെ ഈ തടസ്സം നീക്കാൻ ബന്ധപ്പെട്ടവർ നടപടി സ്വീകരിക്കണമെന്നാണ് നാട്ടുകാരും, വ്യാപാരികളും, യാത്രക്കാരും ഒരേ സ്വരത്തിൽ ആവശ്യപ്പെടുന്നത്.
കുമ്പള അടിപ്പാത സർവീസ് റോഡിലെ ഗതാഗതക്കുരുക്കിനെക്കുറിച്ചുള്ള ഈ വാർത്ത നിങ്ങളുടെ സുഹൃത്തുക്കളുമായി പങ്കുവെക്കൂ. ഈ വിഷയത്തിൽ നിങ്ങളുടെ അഭിപ്രായങ്ങൾ കമൻ്റ് ചെയ്യുക.
Article Summary: Traffic congestion is a daily issue on the Kumbala underpass service road, caused by the extended handrail on the turning curve.
#KumbalaTraffic #KasaragodNews #TrafficJam #ServiceRoad #Underpass #KeralaNews
