കുമ്പള ടൗണിലെ ഗതാഗതക്കുരുക്ക് അഴിക്കാൻ നടപടി: ചൊവ്വാഴ്ച മുതൽ പരീക്ഷണം

കുമ്പള: (KasargodVartha) ടൗണിൽ നിലനിൽക്കുന്ന ഗതാഗതക്കുരുക്കിന് പരിഹാരം എന്ന നിലയിൽ പുതിയ ട്രാഫിക് പരിഷ്കരണം ചൊവ്വാഴ്ച മുതൽ പരീക്ഷിക്കും. തിങ്കളാഴ്ച മുതൽ തുടങ്ങാനായിരുന്നു കുമ്പള ഗ്രാമപഞ്ചായത്ത് ഭരണസമിതി അറിയിച്ചിരുന്നതെങ്കിലും, പോലീസിന് കുമ്പള സ്കൂൾ കലോത്സവവുമായി ബന്ധപ്പെട്ട് ഡ്യൂട്ടിയായതിനാൽ ഇത് ഒരു ദിവസത്തേക്ക് മാറ്റുകയായിരുന്നു.

ട്രാഫിക് പരിഷ്കരണത്തിന്റെ ഭാഗമായി ഓട്ടോറിക്ഷകൾക്കാണ് പാർക്കിങ്ങിനായി കൂടുതൽ സ്ഥലങ്ങൾ അനുവദിച്ചിട്ടുള്ളത്. ഗുഡ്സ് വാഹനങ്ങൾക്കും പാർക്കിങ്ങിന് സ്ഥലം നിശ്ചയിച്ചിട്ടുണ്ട്. ബസ് സ്റ്റാൻഡ് ഒഴിവാക്കി, കെഎസ് ടി പി ബദിയടുക്ക റോഡിലാണ് കെഎസ്ആർടിസി ബസുകൾക്കും സ്വകാര്യ ബസുകൾക്കും പാർക്കിങ്ങിന് സ്ഥലം അനുവദിച്ചിട്ടുള്ളത്.

 പുതുതായി പണിത ആറ് ബസ് ഷെൽട്ടറുകൾ ഇതിനായി ഉപയോഗപ്പെടുത്തും. ബദിയടുക്ക റോഡിലെ ഇരു ഭാഗങ്ങളിലുമായിട്ടാണ് ബസ് പാർക്കിങ്ങിന് സൗകര്യം ഒരുക്കിയിട്ടുള്ളത്.

പരീക്ഷണാർത്ഥമാണ് ട്രാഫിക് പരിഷ്കരണം നടപ്പാക്കുന്നതെങ്കിലും, ഇത് വിജയകരമായാൽ സ്ഥിരമായി നിലനിർത്താനാണ് പഞ്ചായത്ത് ഭരണസമിതിയുടെ തീരുമാനം.

കുമ്പളയിലെ പുതിയ ട്രാഫിക് പരിഷ്കരണത്തെക്കുറിച്ച് നിങ്ങളുടെ അഭിപ്രായം പങ്കുവയ്ക്കുക. ഈ മാറ്റം ഗതാഗതക്കുരുക്ക് കുറയ്ക്കുമോ? 

Article Summary: Kumbala town introduces a new traffic regulation trial from Tuesday to ease congestion.

#Kumbala #TrafficRegulation #KasargodNews #KasaragodVartha #KeralaPolice #BusParking