ദേശീയപാതയിലെ ഫുട് ഓവർ ബ്രിഡ്ജുകളിൽ സുരക്ഷാ വീഴ്ച: അപകട സാധ്യത; പരിഹരിക്കണമെന്ന് ആവശ്യം

കുമ്പള: (KasargodVartha) ദേശീയ പാത വികസനത്തിൻ്റെ ഭാഗമായി നിർമ്മിക്കുന്ന ഫുട് ഓവർ ബ്രിഡ്ജുകളിലെ സുരക്ഷാ വേലികളിലെ വലിയ വിടവുകൾ അപകടങ്ങൾക്ക് കാരണമാകുമെന്ന് ആശങ്ക.

കോണിപ്പടികൾ കയറി പാലത്തിൻ്റെ മുകളിൽ എത്തിയാൽ ഇരുവശങ്ങളിലുമുള്ള സുരക്ഷാ കമ്പികൾക്കിടയിൽ വലിയ അകലമുണ്ട്. ഇത് കുട്ടികൾക്കും മറ്റുള്ളവർക്കും അനായാസം മറികടക്കാൻ സാധിക്കുന്ന രൂപത്തിലാണ് നിർമ്മിച്ചിരിക്കുന്നത്. ഇത് മേൽപ്പാലത്തിലൂടെ സഞ്ചരിക്കുന്ന കുട്ടികൾക്കും മറ്റും വലിയ ഭീഷണിയും അപകട സാധ്യതയുമുണ്ടാക്കും.  

പണി പൂർത്തിയാകുന്നതോടെ സ്ത്രീകളും കുട്ടികളും സ്കൂൾ വിദ്യാർത്ഥികളുമടക്കം നിരവധി പേർ ദേശീയപാത മുറിച്ചുകടക്കാൻ ഈ മേൽപ്പാലത്തെ ആശ്രയിക്കും. എന്നാൽ പാലത്തിൻ്റെ വശങ്ങളിൽ സ്ഥാപിച്ചിട്ടുള്ള കമ്പികൾ തമ്മിലുള്ള അകലം കൂടുതലായതിനാൽ കുട്ടികൾക്കോ വളർത്തുമൃഗങ്ങൾക്കോ റോഡിലേക്ക് വീഴാനും അതുവഴി വലിയ അപകടങ്ങൾ സംഭവിക്കാനും സാധ്യതയുണ്ട്.

കൂടുതൽ കമ്പികളോ ഇരുമ്പ് വലയോ ഇവിടെ സ്ഥാപിക്കുകയാണ് പരിഹാരം.  കാൽനടയാത്രക്കാരുടെ സുരക്ഷ ഉറപ്പാക്കാൻ ബന്ധപ്പെട്ടവർ അടിയന്തര നടപടി സ്വീകരിക്കണമെന്ന് എസ്ഡിപിഐ കുമ്പള പഞ്ചായത്ത് കമ്മിറ്റി പ്രസിഡന്റ് നാസർ ബംബ്രാണ ബന്ധപ്പെട്ട അധികാരികളോട് ആവശ്യപ്പെട്ടു. ഇത് സംബന്ധിച്ച് ബന്ധപ്പെട്ട വകുപ്പുകൾക്ക് ഉടൻ പരാതി നൽകുമെന്നും അദ്ദേഹം അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Concerns have been raised about the large gaps in the safety railings of foot over bridges constructed as part of the national highway development in Kumbala, posing a risk, especially to children. SDPI has demanded immediate action to rectify this.

#Kumbala, #NationalHighway, #FootOverBridge, #SafetyIssue, #AccidentRisk, #SDPI