പ്രതിഷേധങ്ങള്‍ക്കൊടുവില്‍ കുമ്പള ബസ് സ്റ്റാന്‍ഡ് കെട്ടിടം പൊളിച്ചുമാറ്റാന്‍ നടപടി തുടങ്ങി

By Web Desk SNNov 10, 2017, 16:54 IST

കുമ്പള: (www.kasargodvartha.com 10/11/2017) പ്രതിഷേധങ്ങള്‍ക്കൊടുവില്‍ കുമ്പള ബസ് സ്റ്റാന്‍ഡ് കെട്ടിടം പൊളിച്ചുമാറ്റാന്‍ നടപടി തുടങ്ങി. വ്യാഴാഴ്ച വൈകിട്ടുമുതലാണ് കെട്ടിടം പൊളിച്ചുമാറ്റാന്‍ തുടങ്ങിയത്. തകര്‍ന്നുവീഴാറായ കെട്ടിടത്തില്‍ നിന്നും വ്യാപാരികളെയും മറ്റും മാസങ്ങള്‍ക്കു മുമ്പു തന്നെ ഒഴിപ്പിച്ചിരുന്നു. എന്നാല്‍ കെട്ടിടം പൊളിച്ചുമാറ്റാനുള്ള നടപടി അധികൃതരുടെ ഭാഗത്തു നിന്നുമുണ്ടായിരുന്നില്ല. ഇതിനെതിരെ വന്‍ പ്രതിഷേധം ശക്തമായിരുന്നു.

ഇരുപത് വര്‍ഷം മുമ്പ് നിര്‍മ്മിച്ച കെട്ടിടമാണിത്. 24 ഓളം കട മുറികളാണ് പ്രവര്‍ത്തിച്ചിരുന്നത്. കെട്ടിടം തകര്‍ന്നുവീഴാന്‍ തുടങ്ങിയതോടെ ഹൈക്കോടതി ഇടപെട്ടാണ് വ്യാപാരികളെ ഒഴിപ്പിച്ചത്.