അഴിമതിയിൽ മുങ്ങിയ ബസ് ഷെൽട്ടർ നിർമ്മാണം: കുമ്പള പഞ്ചായത്ത് പ്രസിഡന്റ് പരാതിയുമായി രംഗത്ത്!

കുമ്പള: (KasargodVartha) ഗ്രാമപഞ്ചായത്ത് വാർഷിക പദ്ധതിയിൽ ഉൾപ്പെടുത്തി കുമ്പള ടൗണിൽ നിർമ്മിച്ച ബസ് ഷെൽട്ടറിന്റെ നിർമ്മാണത്തിൽ അഴിമതി ആരോപണം ഉയർന്ന പശ്ചാത്തലത്തിൽ, ഇതേക്കുറിച്ച് സമഗ്രമായ അന്വേഷണം നടത്തണമെന്ന് ആവശ്യപ്പെട്ട് ഗ്രാമപഞ്ചായത്ത് പ്രസിഡന്റ് യു.പി. താഹിറ യൂസഫ്, തദ്ദേശ സ്വയംഭരണ വകുപ്പ് മന്ത്രി എം.ബി. രാജേഷ്, സംസ്ഥാന വിജിലൻസ് ആൻഡ് ആന്റി കറപ്ഷൻ ബ്യൂറോ ഡയറക്ടർ എന്നിവർക്ക് കത്തയച്ചു.

ടൗണിലെ ട്രാഫിക് പരിഷ്കരണവുമായി ബന്ധപ്പെട്ടാണ് ബസ് ഷെൽട്ടർ നിർമ്മാണം അക്രഡിറ്റഡ് ഏജൻസിയായ ഹാബിറ്റാറ്റ് വഴി നടപ്പാക്കുന്നത്. ഗ്രാമപഞ്ചായത്ത് ഭരണസമിതി യോഗ തീരുമാനപ്രകാരമാണ് പദ്ധതി നടപ്പിലാക്കിയത്.

പ്രവൃത്തി പൂർത്തീകരണ ഘട്ടത്തിൽ എത്തിയപ്പോഴാണ് വിവിധ കോണുകളിൽ നിന്ന് അഴിമതി ആരോപണം ഉയർന്നുവന്നത്. വിവിധ രാഷ്ട്രീയ പാർട്ടികളും കൂടി അഴിമതി ഉന്നയിച്ച സാഹചര്യത്തിലാണ് ഗ്രാമപഞ്ചായത്ത് പ്രസിഡന്റ് തന്നെ ബന്ധപ്പെട്ട അധികാരികൾക്ക് പരാതി നൽകിയത്.

കുമ്പള ബസ് ഷെൽട്ടർ നിർമ്മാണത്തിലെ അഴിമതി ആരോപണത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക

Article Summary: Kumbala Panchayat President seeks vigilance probe into bus shelter corruption.

#KumbalaBusShelter #CorruptionAllegations #PanchayatPresident #VigilanceProbe #KeralaPolitics #LocalNews