കുടുംബശ്രീ മെഗാ തൊഴില്‍ മേള തിങ്കളാഴ്ച ആയിരത്തിലധികം ഒഴിവുകൾ

കാഞ്ഞങ്ങാട്: (KasargodVartha) ആയിരത്തിലധികം തൊഴിലവസരങ്ങളുമായി കുടുംബശ്രീ ജില്ലാതല മെഗാ തൊഴില്‍ മേള തിങ്കളാഴ്ച (സെപ്റ്റംബർ 29) നടക്കും. സംസ്ഥാന സർക്കാർ തദ്ദേശസ്വയംഭരണ വകുപ്പും കുടുംബശ്രീയും സംയുക്തമായി നടത്തുന്ന 'വിജ്ഞാന കേരളം ഒരു ലക്ഷം തൊഴിൽ ക്യാമ്പയിൻ്റെ' ഭാഗമായാണ് ഈ മേള സംഘടിപ്പിക്കുന്നത്. വിദ്യാനഗർ സൺറൈസ് പാർക്ക് ഹാളിൽ രാവിലെ പത്ത് മുതലാണ് മെഗാ തൊഴിൽ മേള ആരംഭിക്കുന്നത്.

38 കമ്പനികൾ പങ്കെടുക്കും, ആയിരം ഒഴിവുകൾ

ബാങ്കിംഗ്, ഐ.ടി, ഇൻഷുറൻസ്, റീട്ടെയിൽ, ഹെൽത്ത് കെയർ, സർവീസ് തുടങ്ങിയ വിവിധ മേഖലകളിലായി ആയിരത്തിലധികം തൊഴിലവസരങ്ങളാണ് മേളയിലൂടെ ഉദ്യോഗാർത്ഥികൾക്ക് ലഭ്യമാവുക. ജില്ലയ്ക്ക് അകത്തും പുറത്തുമുള്ള 38 കമ്പനികൾ മേളയിൽ പങ്കെടുക്കും.

സ്ത്രീകളുടെ തൊഴിൽ പങ്കാളിത്തം ഉയർത്തി ഓരോ അയൽക്കൂട്ട കുടുംബങ്ങളുടെയും വരുമാനം വർദ്ധിപ്പിക്കുക, അതുപോലെതന്നെ നൈപുണ്യ പരിശീലനത്തിലൂടെ യുവതി യുവാക്കൾക്ക് പുത്തൻ തൊഴിലവസരങ്ങൾ നേടിയെടുക്കുന്നതിനുള്ള പ്രാപ്തി ലഭ്യമാക്കുക എന്നിവയാണ് 'വിജ്ഞാന കേരളം തൊഴിൽ ക്യാമ്പയിനിലൂടെ' കുടുംബശ്രീ പ്രധാനമായും ലക്ഷ്യമിടുന്നത്. 

2025 ജൂലൈ മാസത്തിൽ ആരംഭിച്ച ഒരു ലക്ഷം തൊഴിൽ ക്യാമ്പയിൻ്റെ ഭാഗമായി ആറായിരത്തോളം തൊഴിലവസരങ്ങളാണ് നിലവിൽ ജില്ലയിൽ കണ്ടെത്തിയിട്ടുള്ളത്. ഇതിൽ പകുതിയോളം പേർക്ക് ജോലി ലഭ്യമാക്കി കഴിഞ്ഞതായും അധികൃതർ അറിയിച്ചു.

ഉദ്യോഗാർത്ഥികൾ ശ്രദ്ധിക്കാൻ

അർഹരായ പരമാവധി ഉദ്യോഗാർത്ഥികൾക്ക് മികച്ച തൊഴിലുകൾ ഉറപ്പാക്കുകയാണ് ജില്ലാതല മെഗാ തൊഴിൽമേളയിലൂടെ ലക്ഷ്യമിടുന്നതെന്ന് കുടുംബശ്രീ ജില്ലാ മിഷൻ കോഡിനേറ്റർ കെ. രതീഷ് കുമാർ അറിയിച്ചു.

മെഗാ തൊഴിൽ മേളയിൽ പങ്കെടുക്കാൻ താൽപ്പര്യമുള്ള ഉദ്യോഗാർത്ഥികൾ അസ്സൽ സർട്ടിഫിക്കറ്റുകളും ബയോഡാറ്റയുടെ മൂന്ന് പകർപ്പുകളുമായി നാളെ രാവിലെ പത്തിന് വിദ്യാനഗർ മുനിസിപ്പൽ സ്റ്റേഡിയത്തിന് സമീപമുള്ള സൺറൈസ് പാർക്ക് ഹാളിൽ എത്തിച്ചേരണം. 

കൂടുതൽ വിവരങ്ങൾ അറിയുന്നതിനായി 9745217539, 917592921751 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.

നിങ്ങൾ ഒരു ജോലി അന്വേഷിക്കുന്ന ആളാണോ? എങ്കിൽ ഈ വാർത്ത ഉപകാരപ്രദമാകും. നിങ്ങളുടെ സുഹൃത്തുക്കൾക്കും പങ്കുവെയ്ക്കൂ.

Article Summary: Kudumbashree mega job fair in Vidyanagar offers over 1000 vacancies.

#JobFair #Kudumbashree #Kasargod #Employment #KeralaJobs #JobVacancy