കര്‍ണാടക കെ.എസ്.ആര്‍.ടി.സിയുടെ അമിത വേഗത വാഹനയാത്രക്കാരില്‍ നടുക്കമുളവാക്കുന്നു
Aug 1, 2012, 14:57 IST
മംഗലാപുരം-കാസര്‍കോട് റൂട്ടില്‍ 50ലേറെ കര്‍ണാടക കെ.എസ്.ആര്‍.ടി.സി ബസുകളാണ് ഓടുന്നത്. ഇതുകൂടാതെ എയര്‍ കണ്ടീഷന്‍ വോള്‍വോ ബസുകളും കര്‍ണാടക കെ.എസ്.ആര്‍.സി സര്‍വ്വീസ് നടത്തുന്നുണ്ട്. സ്വകാര്യ ബസുകളെക്കാള്‍ വലിയ മത്സര ഓട്ടത്തിലൂടെയാണ് കര്‍ണാടക കെ.എസ്.ആര്‍.ടി.സി ബസുകള്‍ സര്‍വ്വീസ് നടത്തുന്നതെന്ന് നേരത്തേ തന്നെ ആക്ഷേപമുയര്‍ന്നിരുന്നു. ചെറിയ വാഹനങ്ങളെ കടത്തിവെട്ടിക്കൊണ്ടാണ് കര്‍ണാടക കെ.എസ്.ആര്‍.ടി.സി ബസുകളുടെ സഞ്ചാരം.
ചെറുതും വലുതുമായ നിരവധി അപകടങ്ങള്‍ കര്‍ണാടക കെ.എസ്.ആര്‍.ടി.സി ബസുകള്‍ വരുത്തിവെച്ചിട്ടുണ്ട്. ചൊവ്വാഴ്ച വൈകീട്ട് കാസര്‍കോട് പുതിയ ബസ് സ്റ്റാന്‍ഡ് പരിസരത്ത് ട്രാഫിക് തെറ്റിച്ചുകൊണ്ട് കര്‍ണാട കെ.എസ്.ആര്‍.ടി.സി അമിത വേഗതയില്‍ ചീറിപാഞ്ഞതുമൂലം ഓട്ടോ റിക്ഷയും മറ്റു വാഹനങ്ങളും കുടുങ്ങിയിരുന്നു.
ഭാഗ്യം കൊണ്ടാണ് വന്‍ അപടകം ഒഴിവായത്. കര്‍ണാടക കെ.എസ്.ആര്‍.ടി.സി ബസുകളുടെ അമിത വേഗത നിയന്ത്രിക്കാന്‍ അധികൃതര്‍ നടപടി സ്വീകരിക്കണമെന്ന് വാഹന ഡ്രൈവര്‍മാര്‍ ശക്തമായ ആവശ്യം ഉന്നയിച്ചിട്ടുണ്ട്.
Keywords: Kasaragod, KSRTC-bus, Accident, Vehicle
Tags
Share this story
