കാറ്റടിച്ചാൽ വൈദ്യുതി നിലയ്ക്കും: കെഎസ്ഇബിയുടെ പഴഞ്ചൻ രീതികൾക്ക് എന്നാകും മോചനം?

കാസർകോട്: (KasargodVartha) സംസ്ഥാനത്തെ കെഎസ്ഇബി ഒരുപാട് മാറേണ്ടിയിരിക്കുന്നു. മഴക്കാലം കഴിഞ്ഞപ്പോൾ പൊട്ടിവീണ കമ്പികളും ഇലക്ട്രിക് പോസ്റ്റുകളും മാറ്റി സ്ഥാപിച്ചിട്ടും, കന്നി മാസത്തിൽ ഉണ്ടായ കാറ്റിലും മഴയിലും വൈദ്യുതി തടസ്സപ്പെട്ടത് കെഎസ്ഇബി സമഗ്രമായ ഒരു പഠനത്തിന് വിധേയമാക്കേണ്ടതുണ്ട്. നിലവിലെ ഈ പഴഞ്ചൻ രീതികളിൽ നിന്ന് ഉപഭോക്താക്കൾക്ക് മോചനം വേണം.

രാജ്യത്തെ ഡിജിറ്റൽ യുഗത്തിൽ ഇത്തരം ശാസ്ത്രീയമല്ലാത്ത കെഎസ്ഇബി പദ്ധതികൾക്ക് പകരം പുതിയ ശാസ്ത്രീയ പദ്ധതികൾ ആവിഷ്കരിച്ച് നടപ്പിലാക്കേണ്ടതുണ്ട്. ഒരു കാറ്റടിച്ചാലോ മഴ പെയ്താലോ വൈദ്യുതി ബന്ധം തകരുന്ന ഒരു അവസ്ഥ ഉണ്ടാകുന്നത് തന്നെ ഈ ഡിജിറ്റൽ യുഗത്തിൽ അംഗീകരിക്കാനാവാത്തതാണ്. 

നിലവിലെ സാഹചര്യങ്ങൾ പഠിക്കാൻ കെഎസ്ഇബി പുതിയ എൻജിനീയർമാരെ പ്രാപ്തരാക്കണം. പഴയവരെ വെച്ച് 'തട്ടിക്കൂട്ടി' ഉണ്ടാക്കുന്ന പ്രവൃത്തികൾക്കൊന്നും ആയുസ്സുണ്ടാവുന്നില്ല എന്നതിന്റെ തെളിവാണ് വൈദ്യുതി തടസ്സപ്പെട്ട സംഭവം.

രാത്രിയുണ്ടായ കാറ്റും മഴയും മുൻപ് മഴക്കാലത്തും ഉണ്ടായിരുന്നു. അന്ന് സംഭവിച്ച വൈദ്യുതി തടസ്സവും കെഎസ്ഇബി ജീവനക്കാർ നീക്കിയിരുന്നു. പുതിയ കമ്പികളും പോസ്റ്റുകളും സ്ഥാപിച്ചായിരുന്നു അന്ന് തടസ്സം നീക്കിയത്. 

എന്നാൽ, നേരിയ ഒരു കാറ്റിലും മഴയിലും ഒരു ദിവസം മുഴുവൻ വൈദ്യുതി തടസ്സം വീണ്ടും നേരിടുന്നത് ഉപഭോക്താക്കളെ ആശങ്കയിലാക്കുന്നുണ്ട്. കാസർകോട് ജില്ലയിൽ എന്നപോലെ ആ രാത്രി ഇടുക്കി, കോട്ടയം ഭാഗങ്ങളിലും ശക്തമായ കാറ്റും മഴയും ഇടിയും ഉണ്ടായിരുന്നു. 

എന്നാൽ, അവിടെയൊന്നും വൈദ്യുതി തടസ്സപ്പെട്ടതുമില്ല. കാസർകോട് ജില്ലക്കാർക്ക് മാത്രമാണ് പലപ്പോഴും വൈദ്യുതി തടസ്സം ദിവസങ്ങളോളം നേരിടേണ്ടി വരുന്നത്. വൈദ്യുതി തടസ്സം മൂലം ഗാർഹിക ഉപഭോക്താക്കൾക്കും ഹോട്ടൽ വ്യാപാരികൾക്കും ഉണ്ടാകുന്ന നഷ്ടം വലുതാണ്. ഇതിനൊരു ശാശ്വതമായ പരിഹാരം അനിവാര്യമാണ്. വൈദ്യുതി വകുപ്പ് ആവിഷ്കരിക്കുന്ന നൂതന പദ്ധതികളാണ് ഇതിന് ആവശ്യം.

കെഎസ്ഇബി-യുടെ ഈ പഴഞ്ചൻ രീതികൾ മാറണമെന്ന് നിങ്ങൾ കരുതുന്നുണ്ടോ? വാർത്ത ഷെയർ ചെയ്ത് അഭിപ്രായം രേഖപ്പെടുത്തുക. 

Article Summary: KSEB faces criticism in Kasaragod for repeated power outages due to outdated methods and poor maintenance.

#KSEB #PowerOutage #Kasaragod #ElectricityIssue #DigitalIndia #KSEBFailure