വൈദ്യുതി പോസ്റ്റുകളെ വിഴുങ്ങി പച്ചിലപ്പടർപ്പ്; അപകട ഭീഷണിയേറുന്നു, നടപടിയെടുക്കാതെ കെഎസ്ഇബി

കാസർകോട്: (KasargodVartha) മഴക്കാലത്ത് വേഗത്തിൽ വളരുന്ന പച്ചിലപ്പടർപ്പ് വീട്ടുപറമ്പുകളിലും പരിസര പ്രദേശങ്ങളിലും കാടുപിടിക്കുന്നത് വെട്ടിമാറ്റാൻ വീട്ടുകാർക്ക് അധിക സാമ്പത്തിക ബാധ്യതയാവുന്നുണ്ട്. ഇതിനിടയിലാണ് പച്ചിലപ്പടർപ്പ് വൈദ്യുതി പോസ്റ്റുകളിലും കണക്ഷൻ കമ്പികളിലും പടർന്നു പന്തലിക്കുന്നത് പുതിയ അപകട ഭീഷണി ഉയർത്തുന്നത്. 

കാസർകോട് ജില്ലയുടെ വിവിധ ഭാഗങ്ങളിൽ ഇത്തരത്തിൽ വൈദ്യുതി പോസ്റ്റുകളിൽ പച്ചിലപ്പടർപ്പ് കയറിയിട്ടുണ്ട്. വള്ളിപ്പടർപ്പുകൾ മൂടിയതിനാൽ വൈദ്യുതി പോസ്റ്റുകളും ലൈനുകളും കാണാൻ പറ്റാത്ത അവസ്ഥയിലാണ് പല ഭാഗങ്ങളിലുമുള്ളത്.

നടപടിയെടുക്കാതെ കെഎസ്ഇബി

വൈദ്യുതി പോസ്റ്റുകളിൽ പടർന്ന വള്ളിപ്പടർപ്പുകൾ പഞ്ചായത്ത് അധികൃതർക്കോ വീട്ടുകാർക്കോ സ്വമേധയാ വെട്ടിമാറ്റാൻ സാധിക്കില്ല. ഇത് നീക്കം ചെയ്യണമെങ്കിൽ കെഎസ്ഇബി അധികൃതരെ വിവരമറിയിക്കണം. 

എന്നാൽ പരാതി ലഭിച്ചാൽ മാത്രം നടപടി സ്വീകരിക്കാമെന്നാണ് കെഎസ്ഇബി അധികൃതരുടെ വാദം. വൈദ്യുതി ബന്ധത്തിന് തടസ്സമാകുന്ന മരങ്ങളും മറ്റും വൈദ്യുതി വകുപ്പ് അധികൃതർ കരാർ നൽകി വെട്ടി മാറ്റാറുണ്ടെങ്കിലും പോസ്റ്റുകളിലെ പച്ചിലപ്പടർപ്പ് നീക്കം ചെയ്യാൻ ഇവരുടെ ഭാഗത്ത് നിന്ന് നടപടികളുണ്ടാകാറില്ല.

പരിഹാരം തേടി ഉപഭോക്താക്കൾ

വൈദ്യുതി പോസ്റ്റുകളും ലൈനുകളും മറയുന്ന തരത്തിൽ വള്ളിപ്പടർപ്പുകൾ പന്തലിക്കുന്നത് വലിയ അപകടങ്ങൾ ക്ഷണിച്ചുവരുത്തുമെന്ന് ഉപഭോക്താക്കൾ കരുതുന്നു. മഴക്കാലമായതിനാൽ വൈദ്യുതി കമ്പികളിൽ നിന്ന് ഷോക്കേൽക്കാനുള്ള സാധ്യതയും കൂടുതലാണ്. അതിനാൽ വൈദ്യുതി പോസ്റ്റുകളിൽ നിന്ന് ഇത്തരം പച്ചിലപ്പടർപ്പുകൾ കൂടി സ്വമേധയാ വെട്ടിമാറ്റാൻ അധികൃതർ അടിയന്തര നടപടികൾ സ്വീകരിക്കണമെന്നാണ് ഉപഭോക്താക്കളുടെ പ്രധാന ആവശ്യം.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Overgrown creepers covering electricity poles and power lines across Kasaragod pose a severe electrocution hazard. Consumers demand proactive action from KSEB, as authorities allegedly only act upon specific complaints.

#KasargodVartha #KasaragodNews #KSEB #MonsoonHazard #KeralaNews #MalayalamNews #PublicSafety #ElectricityBoard #AparnaNews