കൊടിയമ്മ വെള്ളക്കെട്ടിൽ: ചത്രംപള്ളത്ത് റോഡിൽ ദുരിതയാത്ര

കുമ്പള: (KasargodVartha) കുമ്പള ഗ്രാമപഞ്ചായത്തിലെ ഒൻപതാം വാർഡിൽ കൊടിയമ്മ ചത്രംപള്ളം ജംഗ്ഷൻ കനത്ത മഴയിൽ വെള്ളത്തിൽ മുങ്ങി. റോഡിൽ രൂപപ്പെട്ട വലിയ വെള്ളക്കെട്ട് യാത്രക്കാർക്ക് ദുരിതവും വാഹനാപകടങ്ങൾക്കും കാരണമാകുന്നതായി നാട്ടുകാർ പറയുന്നു.

നൂറുകണക്കിന് വിദ്യാർത്ഥികൾ യാത്ര ചെയ്യുന്ന ഈ ജംഗ്ഷനിൽ കാൽനടയാത്രക്കാർക്കും റോഡിലെ വെള്ളക്കെട്ട് വലിയ ബുദ്ധിമുട്ടായി മാറിയിട്ടുണ്ട്. ഇരുചക്രവാഹനങ്ങളിൽ വരുന്ന യാത്രക്കാർ തെന്നിവീഴുന്നതും പരിക്കേൽക്കുന്നതും ഇവിടെ പതിവ് കാഴ്ചയാണ്. റോഡിൽ മഴവെള്ളം കെട്ടിക്കിടക്കുന്നത് റോഡിന്റെ തകർച്ചയ്ക്കും കാരണമാകുന്നതായി നാട്ടുകാർ ചൂണ്ടിക്കാണിക്കുന്നു.

ചത്രംപള്ളം ജംഗ്ഷനിലെ റോഡിൽ കെട്ടിക്കിടക്കുന്ന മഴവെള്ളം ഒഴുക്കിവിടാൻ റോഡിന് സമീപത്തായി താൽക്കാലികമായി ഓവുചാൽ സംവിധാനം ഒരുക്കി പ്രശ്നപരിഹാരം കാണണമെന്ന് ആവശ്യപ്പെട്ട് കൊടിയമ്മയിലെ സാമൂഹിക പ്രവർത്തകൻ അബ്ദുസ്സലാം എ.പി. കുമ്പള ഗ്രാമപഞ്ചായത്ത് സെക്രട്ടറിക്ക് നിവേദനം നൽകി. കാലവർഷക്കെടുതികൾ നേരിടുന്ന പ്രദേശങ്ങളിൽ അടിയന്തര ഇടപെടൽ നടത്തുന്ന കുമ്പളയിലെ ‘ഡിസാസ്റ്റർ എർത്ത് ടീമിനെയും’ ഈ വിവരം അറിയിച്ചിട്ടുണ്ട്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 
 

Article Summary: Kothamangalam's Chatrampallam junction faces severe waterlogging, causing commuter hardship.
 

#Waterlogging #Kasaragod #Kumbale #RoadSafety #Monsoon #KeralaRains