എയര്‍ ഇന്ത്യയുട ക്രൂരത കെ.എം.സി.സി. പ്രക്ഷോഭത്തിലേക്ക്
Aug 22, 2012, 00:41 IST
സീസണ്‍ സമയത്തും മറ്റും ടിക്കറ്റിന് അധിക നിരക്ക് ഈടാക്കുമെങ്കിലും നല്ല സര്‍വീസ് യാത്രക്കാര്‍ക്ക് ലഭിക്കാറില്ല. മിക്കപ്പോഴും മുന്നറിയിപ്പിലാതെ സര്‍വ്വീസുകള്‍ റദ്ദാക്കുന്നത് പതിവാണ്. യാത്രക്കാര്‍ക്ക് വന്‍ ദുരിതമാണ് ഇതുവഴി സമ്മാനിക്കുന്നത്. ദുബൈയില്‍ നിന്നുള്ള യാത്രക്കാരാണ് പലപ്പോഴും എയര്‍ ഇന്ത്യയുടെ ക്രൂരതയ്ക്ക് ഇരയാകുന്നത്.
തിങ്കളാഴ്ച പുലര്‍ച്ചേ 6.25ന് മംഗലാപുരം വിമാനത്താവളത്തില്‍ ലാന്‍ഡ് ചെയ്യേണ്ട എയര്‍ ഇന്ത്യ വിമാനം മോശമായ കാലാവസ്ഥയെ തുടര്‍ന്ന് കരിപ്പൂരിലേക്ക് തിരിച്ചുവിടുകയും പിന്നീട് മണിക്കൂറുകള്‍ കഴിഞ്ഞ ശേഷമാണ് മംഗലാപുരത്ത് ലാന്‍ഡ് ചെയത്ത്. ഇതിലുണ്ടായിരുന്ന യാത്രക്കാര്‍ക്ക് വെള്ളവും, ഭക്ഷണവും ലഭിക്കാത്തത് പ്രതിഷേധത്തിന് ഇടയാക്കിയിരുന്നു.
ഉത്സവ സീസണിലും വെക്കേഷന്‍ സമയത്തും ഗള്‍ഫില്‍ നിന്ന് നാട്ടിലേക്ക് വരുമ്പോഴും തിരികെ നാട്ടില്‍ നിന്നും ഗള്‍ഫിലേക്ക് പറക്കുമ്പോഴും വിവിധ സര്‍വീസുകള്‍ക്ക് വന്‍ നിരക്കാണ് എയര്‍ ഇന്ത്യ യാത്രക്കാരില്‍ നിന്നും ഈടാക്കുന്നത്. ടിക്കറ്റ് നിരക്കില്‍ കൊള്ളലാഭം കൊയ്യുമ്പോഴും യാത്രക്കാര്‍ക്ക് ആവശ്യമായ സേവനങ്ങള്‍ നല്‍കാത്തത് ഏറെ പരാതിക്ക് ഇടയാക്കുന്നു.
നിരന്തരമായി എയര്‍ ഇന്ത്യ ഗള്‍ഫ് യാത്രക്കാരോട് കാണിക്കുന്ന ക്രൂരത അവസാനിപ്പിക്കണമെന്നും യാത്രക്കാര്‍ക്ക് മെച്ചപ്പെട്ട സേവനം നല്‍കണമെന്നും ദുബൈ-കാസര്‍കോട് മണ്ഡലം കെ.എം.സി.സി. സിക്രട്ടറി സലാം കന്യപ്പാടി ആവശ്യപ്പെട്ടു. എയര്‍ ഇന്ത്യയുട ക്രൂരത തുടരുന്ന പക്ഷം കെ.എം.സി.സി.യുടെ നേതൃത്വത്തില്‍ പ്രക്ഷോഭം നടത്തുമെന്നും സലാം പറഞ്ഞു.
Keywords: Kasaragod, Air India, KMCC, Ticket.
Tags
Share this story
