കിഴൂര്‍ ജമാഅത്ത്: അബ്ദുല്ല ഹുസൈന്‍ പ്രസിഡന്റ്, യൂസുഫ് ഹാജി സെക്രട്ടറി, മുത്തലിബ് ഹാജി ട്രഷറര്‍

കീഴൂര്‍: (www.kasargodvartha.com 02.05.2014)കിഴൂര്‍ മുസ്ലിം ജമാഅത്ത് കമ്മിറ്റിയുടെ പുതിയ പ്രസിഡന്റായി ഹാജി അബ്ദുല്ല ഹുസൈന്‍ കടവത്തിനെയും ജനറല്‍ സെക്രട്ടറിയായി യുസുഫ് ഹാജിയെയും ട്രഷററായി മുത്തലിബ് ഹാജിയെയും തിരഞ്ഞെടുത്തു. കോച്ചനാട് മൂസാന്‍ ഹാജി, പി.എ. മുഹമ്മദ് കുഞ്ഞി ഹാജി വൈസ് എന്നിവരെ വൈസ് പ്രസിഡന്റുമാരും ഷാഫി കുഞ്ഞാമു, എം.കെ. അബ്ദുല്‍ നാസര്‍ എന്നിവരെ ജോയിന്റ് സെക്രട്ടറിമാരായും തെരഞ്ഞെടുത്തു.

Abdulla Hussain Haji

Yousuf Haji

ഖാസി ത്വാഖ അഹമ്മദ് മൗലവി യോഗം ഉദ്ഘാടനം ചെയ്തു. ഒ.എം. അബ്ദുല്ല ഗുരുക്കള്‍ റിട്ടേണിങ് ഓഫീസറായിരുന്നു. മുന്‍ സെക്രട്ടറി ഹംസ കിഴൂര്‍ റിപ്പോര്‍ട്ട് അവതരിപ്പിച്ചു.

ജമാഅത്തിന്റെ കീഴിലുള്ള സ്‌കൂളിന്റെയും മറ്റു സ്ഥാപനങ്ങളുടേയും പ്രവര്‍ത്തനങ്ങള്‍ മെച്ചപ്പെടുത്താനും പ്രദേശത്തെ സമാധാനന്തരീക്ഷം നില നിര്‍ത്താന്‍ ആവശ്യമായ നടപടികള്‍ സ്വീകരിക്കാനും യോഗം തീരുമാനിച്ചു. ഹാജി അബ്ദുല്ല ഹുസൈന്‍ കടവത്ത് അദ്ധ്യക്ഷത വഹിച്ചു. ഹംസ കീഴൂര്‍ സ്വാഗതവും യുസുഫ് ഹാജി നന്ദിയും പറഞ്ഞു.