കീഴൂർ കടലെടുക്കുന്നു: അടിയന്തര ഇടപെടൽ വേണമെന്ന് നാട്ടുകാർ

കിഴൂർ: (KasargodVartha) കഴിഞ്ഞ ഒന്നര പതിറ്റാണ്ടിനിടെ കണ്ടിട്ടില്ലാത്തത്രയും രൂക്ഷമായ കടലാക്രമണമാണ് കാസർകോട് കീഴൂർ കടപ്പുറത്ത് നടക്കുന്നത്. ഏകദേശം ഒന്നര കിലോമീറ്ററോളം വരുന്ന തീരദേശ മേഖല ഒരാഴ്ചയായി അതിരൂക്ഷമായ കടൽക്ഷോഭത്തിലാണ്. ജനവാസ കേന്ദ്രങ്ങളിലെ തീരദേശ റോഡുകൾ മീറ്ററുകളോളം കടലെടുത്തത് പ്രദേശവാസികളെ ഭീതിയിലാഴ്ത്തിയിരിക്കുകയാണ്.

കടലേറ്റം ഇപ്പോഴും തുടരുന്നതിനാൽ തീരം വലിയ തോതിൽ ഇടിഞ്ഞുവീഴുന്നുണ്ട്. വർഷങ്ങളായി നിലനിന്നിരുന്ന വലിയ കരിങ്കല്ലുകൾ കൊണ്ടുള്ള കടൽഭിത്തികൾ പോലും ഈ വർഷത്തെ രൂക്ഷമായ കടലാക്രമണത്തിൽ തകർന്നുപോയി. ഇത് തീരദേശത്ത് വലിയ അപായ സൂചനയാണ് നൽകുന്നത്.

പരമ്പരാഗത മത്സ്യത്തൊഴിലാളികൾ തിങ്ങിപ്പാർക്കുന്ന കീഴൂർ കടപ്പുറത്തെ സ്ഥിതി അതീവ ഗുരുതരമാണെന്നും, അടിയന്തിര ഇടപെടൽ വേണമെന്നുമാണ് നാട്ടുകാരുടെ ആവശ്യം. തീരദേശ റോഡ് തകർന്നതോടെ ഗതാഗതവും തടസ്സപ്പെട്ടിരിക്കുകയാണ്. ഇത് തീരദേശവാസികളെ ഒറ്റപ്പെട്ട അവസ്ഥയിലാക്കിയിട്ടുണ്ട്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Severe sea erosion in Kizhoor, Kerala, threatens coastal homes and roads.

#Kizhoor #SeaErosion #Kerala #CoastalErosion #Monsoon #Disaster