ഹെല്‍പ് ഡസ്‌ക് ഉദ്ഘാടനം ചെയ്തു

പാലക്കുന്ന്: കോട്ടിക്കുളം ഇസ്ലാമിക് സോഷ്യല്‍ വെല്‍ഫെയര്‍ അസോസിയേഷന്‍ (കിസ്‌വ) ഹെല്‍പ് ഡസ്‌ക് ഉദ്ഘാടനം സെന്റര്‍ ഫോര്‍ പബ്ലിക് എഡ്യൂക്കേഷന്‍ ആന്റ് ട്രൈനിംഗ് (സിപെറ്റ്) കോര്‍ഡിനേറ്റര്‍ മുനീര്‍ ഹുദവി കരുവന്‍തിരുത്തി നിര്‍വഹിച്ചു.

നാടിന് സാമൂഹികവും വിദ്യാഭ്യാസപരവുമായ ഉന്നതി പ്രദാനം ചെയ്യാന്‍ ഇത്തരം സംരംഭങ്ങള്‍ക്ക് കഴിയുമെന്ന് അദ്ദേഹം പറഞ്ഞു. കാപ്പില്‍ മുഹമ്മദ് പാഷ ഹാജി അധ്യക്ഷത വഹിച്ചു. സര്‍ക്കാര്‍ ആനുകൂല്യങ്ങളെക്കുറിച്ചും സേവനങ്ങളെക്കുറിച്ചുമുളള കൃത്യമായ ധാരണ നേടേണ്ടതുണ്ടെന്ന് അദ്ദേഹം പറഞ്ഞു.

സി.ടി അബ്ദുല്‍ ഖാദര്‍, സിദ്ദീഖ് ദാരിമി പടന്നോട്ട്, സലാം ഹാജി നാസ്‌കോ, അസീസ് ഹാജി അക്കര, കാപ്പില്‍ ഷരീഫ്, ഹനീഫ പള്ളിക്കാല്‍, ഐഡിയല്‍ അമീര്‍, ശാഫി ഹാജി പള്ളിക്കാല്‍ പ്രസംഗിച്ചു. അമീര്‍ ലുലു സ്വാഗതവും യു.കെ. മുഹമ്മദ്കുഞ്ഞി നന്ദിയും പറഞ്ഞു.

കോട്ടിക്കുളം ഇസ്ലാമിക് സോഷ്യല്‍ വെല്‍ഫെയര്‍ അശോസിയേഷന്‍ (കിസ്‌വ) ഹെല്‍പ് ഡസ്‌ക് ഉദ്ഘാടനം സെന്റര്‍ ഫോര്‍ പബ്ലിക് എഡ്യൂക്കേഷന്‍ ആന്റ് ട്രൈനിംഗ് (സിപെറ്റ്)കോര്‍ഡിനേറ്റര്‍ മുനീര്‍ ഹുദവി കരുവന്‍തിരുത്തി നിര്‍വഹിക്കുന്നു.

ആതുര സേവനം, വിദ്യാഭ്യാസ സഹായം, വിവാഹ ധന സഹായം, വീട് നിര്‍മാണ സഹായം, തുടങ്ങിയ വിവിധ സാമ്പത്തിക സഹായങ്ങള്‍, സ്‌കോളര്‍ഷിപ്പുകള്‍ ലഭ്യമാക്കുന്നതടക്കമുളള സേവനങ്ങള്‍, കരിയര്‍ ഗൈഡന്‍സ്, ഓണ്‍ലൈന്‍ രജിസ്‌ട്രേഷന്‍ തുടങ്ങിയവ ഹെല്‍പ് ഡെസ്‌കിലൂടെ ലഭ്യമാവും.