മണല്‍ ലോറി കടത്തിക്കൊണ്ടുപോയി 60,000 രൂപ മോചനദ്രവ്യം ആവശ്യപ്പെട്ട കേസില്‍ 2 പേര്‍ കൂടി അറസ്റ്റില്‍

By Web Desk SNNov 2, 2017, 16:43 IST

ബദിയടുക്ക: (www.kasargodvartha.com 02/11/2017) മണല്‍ ലോറി കടത്തിക്കൊണ്ടുപോയി 60,000 രൂപ മോചനദ്രവ്യം ആവശ്യപ്പെട്ട കേസില്‍ 2 പേര്‍ കൂടി അറസ്റ്റിലായി. മംഗല്‍പാടി കൃഷ്ണ നഗറിലെ ശ്രീജിത്ത് (24), കുഞ്ചത്തൂര്‍ പദവിലെ അശ്വത് (24) എന്നിവരെയാണ് ഡിവൈഎസ്പിയുടെ സ്‌പെഷ്യല്‍ സ്‌ക്വാഡും ബദിയടുക്ക പോലീസും ചേര്‍ന്ന് അറസ്റ്റു ചെയ്തത്.

കഴിഞ്ഞ മാസമാണ് കേസിനാസ്പദമായ സംഭവം നടന്നത്. കര്‍ണാടകയില്‍ നിന്ന് മണല്‍ കടത്തി വരികയായിരുന്ന ലോറി നീര്‍ച്ചാലില്‍ വെച്ച് തടഞ്ഞുനിര്‍ത്തുകയും ഡ്രൈവറെ ഭീഷണിപ്പെടുത്തി കടത്തിക്കൊണ്ടുപോവുകയുമായിരുന്നു. പിന്നീട് ലോറി വിട്ട് നല്‍കണമെങ്കില്‍ 60,000 രൂപ മോചനദ്രവ്യം നല്‍കണമെന്ന് ആവശ്യപ്പെട്ടുവെന്നാണ് കേസ്.