പ്രവാസി ലീഗ്: എ.പി. ഉമര്‍ പ്രസിഡണ്ട്, ശംസുദ്ദീന്‍ ചെമ്പിരിക്ക ജന. സെക്രട്ടറി

കാസര്‍കോട്: കേരള പ്രവാസി ലീഗ് ജില്ലാ പ്രസിഡണ്ടായി എ.പി. ഉമര്‍ കാഞ്ഞങ്ങാട്, ജനറല്‍ സെക്രട്ടറിയായി ശംസുദ്ദീന്‍ ചെമ്പിരിക്ക, ട്രഷററായി അഹ്‌മദ് വിദ്യാനഗര്‍ എന്നിവരെ വീണ്ടും തെരഞ്ഞെടുത്തു.

മറ്റു ഭാരവാഹികള്‍: ഒ.ടി. അഹ്‌മദ് ഹാജി തൃക്കരിപ്പൂര്‍, പി.എ. റഹ്‌മാന്‍ ഹാജി മിലിട്ടറി കാഞ്ഞങ്ങാട്, ബഹ്‌റൈന്‍ മുഹമ്മദ് മഞ്ചേശ്വരം, ടി.കെ. മുഹമ്മദ് കുഞ്ഞി കാസര്‍കോട് (വൈ.പ്രസിഡന്റുമാര്‍), ഖാദര്‍ ഹാജി ചെങ്കള, എ.എം. ഇബ്രാഹിം ഉദുമ, ടി.എ. ശുഐബ്, എം.പി. ഖാലിദ് മഞ്ചേശ്വരം (സെക്രട്ടറിമാര്‍).

കാസര്‍കോട് ടി.എ.ഇബ്രാഹിം സ്മാരക മന്ദിരത്തില്‍ ചേര്‍ന്ന ജനറല്‍ കൗണ്‍സില്‍ യോഗത്തില്‍ സംസ്ഥാന റിട്ടേണിംഗ് ഓഫീസര്‍ കെ.പി. ഇമ്പിച്ചി മമ്മു ഹാജി തെരഞ്ഞെടുപ്പ് നിയന്ത്രിച്ചു. മുസ്‌ലിം ലീഗ് ജില്ലാ പ്രസിഡണ്ട് ചെര്‍ക്കളം അബ്‌ദുല്ല ഉദ്ഘാടനം ചെയ്തു. പ്രസിഡണ്ട് എ.പി. ഉമര്‍ അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി സി.പി. ബാവ ഹാജി മുഖ്യപ്രഭാഷണം നടത്തി. സംസ്ഥാന നേതാക്കളായ കെ.സി. അഹ്‌മദ് തലശ്ശേരി, കാപ്പില്‍ മുഹമ്മദ് പാഷ, ഇല്ലിക്കല്‍ ആലിക്കോയ പ്രസംഗിച്ചു.

എ.പി.എസ്. മുത്തുക്കോയ തങ്ങള്‍ പ്രാര്‍ത്ഥന നടത്തി. ഇസ്മാഈല്‍ കീഴുര്‍, അഷ്‌റഫ് കര്‍ള, മളിയില്‍ അബ്‌ദുല്ല കുഞ്ഞി, ബി.എം.എ. ഖാദര്‍, എ.പി. ജാഫര്‍, ടി.പി.കുഞ്ഞബ്ദുല്ല, എന്‍.എ. മാഹിന്‍, കൊവ്വല്‍ അബ്ദുര്‍ റഹ്‌മാന്‍, ഇ. മുഹമ്മദ് കുഞ്ഞി ബല്ല, കെ.കെ. അമീര്‍ ചര്‍ച്ചയില്‍ പങ്കെടുത്തു. ശംസുദ്ദീന്‍ ചെമ്പിരിക്ക സ്വാഗതവും അഹ്‌മദ് വിദ്യാനഗര്‍ നന്ദിയും പറഞ്ഞു.