സംസ്ഥാന ജേര്‍ണലിസ്റ്റ് വടംവലി 21ന് കാസർകോട്ട്; ഒരുക്കങ്ങൾ പൂർത്തിയായി

കാസർകോട്: (KasargodVartha) സംസ്ഥാനത്തെ മാധ്യമപ്രവർത്തകർക്കായി പ്രസ് ക്ലബ്ബും ബോബി ഇൻ്റർനാഷണൽ ഗ്രൂപ്പും ചേർന്ന് സംഘടിപ്പിക്കുന്ന പ്രഥമ സംസ്ഥാന ജേര്‍ണലിസ്റ്റ് വടംവലി ചാമ്പ്യൻഷിപ്പ് 21ന് (ബുധനാഴ്ച) കാസർകോട്ട് നടക്കും. പ്രസ് ക്ലബ്ബിനോട് ചേർന്നുള്ള വെൽഫിറ്റ് സ്റ്റേഡിയത്തിലാണ് മത്സരങ്ങൾക്കായി പ്രത്യേക വേദി ഒരുക്കിയിരിക്കുന്നത്.

സംസ്ഥാനത്തെ വിവിധ പ്രസ് ക്ലബ്ബുകളുടെ ടീമുകൾക്കൊപ്പം കേരള യൂണിയൻ ഓഫ് വർക്കിംഗ് ജേർണലിസ്റ്റ്സ് (കെയുഡബ്ല്യുജെ) സംസ്ഥാന കമ്മിറ്റിയുടെ ടീമും ചാമ്പ്യൻഷിപ്പിൽ മാറ്റുരയ്ക്കും. ഇതിനു പുറമെ, കണ്ണൂർ, കാസർകോട് ജില്ലകളിലെ പ്രമുഖ വടംവലി ടീമുകളും പ്രത്യേക മത്സരത്തിൽ പങ്കെടുക്കും. ഡിവൈഎഫ്‌ഐ, യൂത്ത് കോൺഗ്രസ്, യൂത്ത് ലീഗ്, എഐവൈഎഫ്, യുവമോർച്ച തുടങ്ങിയ യുവജന സംഘടനകളുടെ ടീമുകളും മത്സരത്തിൽ തങ്ങളുടെ ശക്തി തെളിയിക്കും. എല്ലാ ഒരുക്കങ്ങളും പൂർത്തിയായതായി സംഘാടകർ വാർത്താസമ്മേളനത്തിൽ അറിയിച്ചു.

ചാമ്പ്യൻഷിപ്പിൻ്റെ ഉദ്ഘാടനത്തോടനുബന്ധിച്ച് സിനിമാ താരങ്ങളും, എംഎൽഎമാർ ഉൾപ്പെടെയുള്ള ജനപ്രതിനിധികളും പങ്കെടുക്കുന്ന ഒരു സൗഹൃദ വടംവലി മത്സരവും ഉണ്ടാകും. ജേര്‍ണലിസ്റ്റ് മത്സരത്തിൽ ആദ്യ നാല് സ്ഥാനങ്ങൾ നേടുന്ന ടീമുകൾക്ക് ക്യാഷ് അവാർഡും ട്രോഫിയും സമ്മാനിക്കും. ഉത്തരമേഖലാ മത്സരത്തിൽ ആദ്യ എട്ട് സ്ഥാനക്കാർക്കും ക്യാഷ് അവാർഡ് നൽകും.

എൻ.എ. നെല്ലിക്കുന്ന് എംഎൽഎ ചെയർമാനും, പ്രസ് ക്ലബ് പ്രസിഡന്റ് സിജു കണ്ണൻ ജനറൽ കൺവീനറുമായ സംഘാടകസമിതിയാണ് മത്സരങ്ങൾക്ക് നേതൃത്വം നൽകുന്നത്. വടംവലി അസോസിയേഷനിലെ വിദഗ്ധർ അടങ്ങുന്ന ടെക്നിക്കൽ കമ്മിറ്റിയായിരിക്കും മത്സരങ്ങൾ നിയന്ത്രിക്കുന്നത്. പ്രസ് ക്ലബ് സെക്രട്ടറി പ്രദീപ് നാരായണനും സംഘാടക സമിതി അംഗങ്ങളും വാർത്താസമ്മേളനത്തിൽ പങ്കെടുത്തു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങളും പങ്കുവെക്കൂ! കൂടുതൽ പേരിലേക്ക് എത്തിക്കാൻ ഷെയർ ചെയ്യുക. 

Article Summary: The first Kerala State Journalists Tug-of-War Championship, organized by the Press Club and Bobby International Group, will be held in Kasaragod on May 21st. Teams from various press clubs, KUWJ, prominent local tug-of-war teams, and youth organizations will participate. A friendly match featuring film stars and MLAs is also planned. The top four journalist teams will receive cash prizes and trophies, and the top eight in the northern region will also be awarded.
 

#KeralaNews, #JournalistEvent, #TugofWar, #Kasaragod, #SportsNews, #MediaEvent