Why is the Vallikkadavu branch of Kerala Gramin Bank so important to the local community?

The branch is a vital resource for thousands of people, including traders, laborers, and public institutions across several villages in the hilly region. It was established decades ago to serve the local migrant community, making it an integral part of their lives.

വള്ളിക്കടവിലെ കേരള ഗ്രാമീൺ ബാങ്ക് ശാഖ പ്രദേശവാസികൾക്ക് അത്രയധികം പ്രധാനമാകുന്നത് എന്തുകൊണ്ടാണ്?

പതിറ്റാണ്ടുകൾക്ക് മുമ്പ് മലയോര കുടിയേറ്റക്കാർക്കായി തുടങ്ങിയ ഈ ബാങ്ക് പ്രദേശത്തെ വ്യാപാരികൾ, തൊഴിലാളികൾ, പൊതുസ്ഥാപനങ്ങൾ എന്നിവയുൾപ്പെടെ ആയിരക്കണക്കിന് ആളുകൾക്ക് എളുപ്പത്തിൽ ബാങ്കിങ് സേവനങ്ങൾ ലഭിക്കാൻ സഹായിക്കുന്നു.

What is the primary reason given by the bank for considering the relocation of the branch?

The news report does not specify the bank's official reason. However, the protesters allege that the move is the result of a conspiracy by certain individuals and bank employees, who they claim are misleading higher authorities.

ബാങ്ക് ശാഖ മാറ്റി സ്ഥാപിക്കുന്നതിൻ്റെ പ്രധാന കാരണം എന്താണെന്നാണ് പ്രതിഷേധക്കാർ പറയുന്നത്?

ബാങ്ക് ശാഖ മാറ്റുന്നതിന് പിന്നിൽ ചില വ്യക്തികളുടെയും ജീവനക്കാരുടെയും ഗൂഢാലോചനയുണ്ടെന്നാണ് പ്രതിഷേധക്കാർ ആരോപിക്കുന്നത്. നിലവിലെ മാനേജർ മേലധികാരികളെ തെറ്റിദ്ധരിപ്പിച്ചാണ് ഈ നീക്കം നടത്തുന്നതെന്നും അവർ പറയുന്നു.

What is the residents' main threat or course of action to stop the bank from relocating?

The residents have decided to form a 101-member action committee and have threatened to withdraw all their accounts from the bank if the branch is moved. This is a significant threat, as it would cause a huge loss of business for the bank.

ബാങ്ക് മാറ്റുന്നത് തടയാൻ പ്രദേശവാസികളുടെ പ്രധാന ഭീഷണി എന്താണ്?

ബാങ്ക് മാറ്റി സ്ഥാപിക്കുകയാണെങ്കിൽ പ്രദേശവാസികളുടെ മുഴുവൻ അക്കൗണ്ടുകളും പിൻവലിക്കുമെന്ന് പ്രതിഷേധക്കാർ ഭീഷണിപ്പെടുത്തിയിട്ടുണ്ട്. ഇത് ബാങ്കിന് വലിയ സാമ്പത്തിക നഷ്ടമുണ്ടാക്കും.

How has the local political and social leadership responded to this issue?

Local leaders, including the Panchayat President and Ward Member, have supported the protest. The Panchayat President and the local priest have been designated as patrons of the newly formed action committee, indicating broad community support for the cause.

ഈ വിഷയത്തിൽ പ്രാദേശിക രാഷ്ട്രീയ, സാമൂഹിക നേതൃത്വത്തിന്റെ പ്രതികരണം എന്താണ്?

പഞ്ചായത്ത് പ്രസിഡന്റും വാർഡ് മെമ്പറും ഉൾപ്പെടെയുള്ള പ്രാദേശിക നേതാക്കൾ പ്രതിഷേധത്തിന് പിന്തുണ അറിയിച്ചിട്ടുണ്ട്. 101 അംഗ ആക്ഷൻ കമ്മിറ്റി രൂപീകരിക്കുകയും പഞ്ചായത്ത് പ്രസിഡന്റും ഫൊറോന വികാരിയും രക്ഷാധികാരികളായി ചുമതലയേൽക്കുകയും ചെയ്തു.

കേരള ഗ്രാമീൺ ബാങ്ക് പ്രതിസന്ധിയിൽ: മലയോര ജനത ഒറ്റക്കെട്ടായി പ്രതിഷേധത്തിൽ, മുഴുവൻ അക്കൗണ്ടുകളും പിൻവലിക്കാൻ തീരുമാനം

Whatsapp Group Whatsapp Channel

By Main DeskAug 10, 2025, 16:08 IST

A group of local residents protesting in front of the Kerala Gramin Bank branch in Vallikkadavu.

● നിരവധി പൊതുസ്ഥാപനങ്ങളും പ്രദേശവാസികളും ബാങ്കിനെ ആശ്രയിക്കുന്നു.
● ബാങ്ക് മാറ്റുന്നതിന് പിന്നിൽ ജീവനക്കാരുടെ ഗൂഢാലോചനയെന്ന് ആരോപണം.
● 101 അംഗ ആക്ഷൻ കമ്മിറ്റി രൂപീകരിച്ച് പ്രവർത്തനം തുടങ്ങി.
● പഞ്ചായത്ത് പ്രസിഡൻ്റ് രാജു കട്ടക്കയം പ്രതിഷേധ യോഗം ഉദ്ഘാടനം ചെയ്തു.

സുധീഷ് പുങ്ങംചാൽ

വെള്ളരിക്കുണ്ട്: (KasargodVartha) കേരള ഗ്രാമീൺ ബാങ്കിന്റെ മലയോര മേഖലയിലെ മാലോം വള്ളിക്കടവ് ശാഖ മാറ്റി സ്ഥാപിക്കാനുള്ള ബാങ്ക് അധികൃതരുടെ നീക്കത്തിനെതിരെ നാട്ടുകാരുടെ പ്രതിഷേധം ശക്തമാകുന്നു. ബാങ്ക് വള്ളിക്കടവിൽ നിന്ന് മാറ്റുകയാണെങ്കിൽ പ്രദേശവാസികളുടെ മുഴുവൻ അക്കൗണ്ടുകളും പിൻവലിക്കാൻ പ്രതിഷേധ കൂട്ടായ്മയിൽ തീരുമാനമായി.

1970-കളിൽ മലയോര കുടിയേറ്റ ജനതയ്ക്കായി വള്ളിക്കടവിൽ ആരംഭിച്ച നോർത്ത് മലബാർ ഗ്രാമീൺ ബാങ്കിന്റെ ശാഖയാണിത്. കേരള ഗ്രാമീൺ ബാങ്ക് ആയി മാറിയ ഈ സ്ഥാപനത്തിന്റെ വളർച്ചയുടെ ഓരോ ഘട്ടത്തിലും നാട്ടുകാരും പൊതുസ്ഥാപനങ്ങളും വലിയ പിന്തുണ നൽകിയിരുന്നു.

വള്ളിക്കടവ്, കൊന്നക്കാട്, അത്തിയെടുക്കം, കോട്ടഞ്ചേരി, മുട്ടൻ കടവ്, മഞ്ജുച്ചാൽ, അശോകച്ചാൽ, മൈക്കയം, പാമത്തട്ട്, പറമ്പ്, കുറ്റിത്താന്നി, കരുവങ്കയം, കിണറ്റടി, ഒട്ടേമാളം, വട്ടക്കയം തുടങ്ങി മലയോര മേഖലയിലെ ഒട്ടേറെ പ്രദേശങ്ങളിലുള്ളവർക്ക് എളുപ്പത്തിൽ എത്തിച്ചേരാൻ കഴിയുന്ന സ്ഥലത്താണ് ഈ ബാങ്ക് പ്രവർത്തിക്കുന്നത്.

നിരവധി പൊതുസ്ഥാപനങ്ങളും ആരാധനാലയങ്ങളും വ്യാപാരികളും തൊഴിലാളികളും ഉൾപ്പെടെ ആയിരക്കണക്കിന് ആളുകൾക്ക് ബാങ്കിങ് ആവശ്യങ്ങൾക്കായി ആശ്രയിക്കാൻ സൗകര്യപ്രദമായ ഈ സ്ഥാപനം മാറ്റുന്നതിന് പിന്നിൽ ചില വ്യക്തികളുടെയും ജീവനക്കാരുടെയും ഗൂഢാലോചനയുണ്ടെന്ന് നാട്ടുകാർ ആരോപിക്കുന്നു. നിലവിലെ മാനേജർ മേലധികാരികളെ തെറ്റിദ്ധരിപ്പിച്ചാണ് ഈ നീക്കം നടത്തുന്നതെന്നും പ്രതിഷേധക്കാർ ആരോപിച്ചു.

പഞ്ചായത്ത് പ്രസിഡന്റ് രാജു കട്ടക്കയം പ്രതിഷേധ യോഗം ഉദ്ഘാടനം ചെയ്തു. വാർഡ് മെമ്പർ ജെസ്സി ടോമി അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം ഷോബി ജോസഫ്, മോൻസി ജോയ്, പി. സി. രഘുനാഥൻ നായർ, ഫാദർ ജോസ് തൈക്കുന്നുംപുറം, ടി. പി. തമ്പാൻ, സാവിത്രി ശങ്കരൻ, ജോയ് മൈക്കിൾ, എൻ. ഡി. വിൻസെന്റ്, പി. ടി. ബേബി, ആൻഡ്രൂസ് വട്ടക്കുന്നേൽ എന്നിവർ പ്രസംഗിച്ചു.

പഞ്ചായത്ത് പ്രസിഡന്റ് രാജു കട്ടക്കയം, ഫൊറോന വികാരി ഫാദർ ജോസ് തൈക്കുന്നുംപുറം എന്നിവർ രക്ഷാധികാരികളായി 101 അംഗ ആക്ഷൻ കമ്മിറ്റി രൂപീകരിച്ചു.

കേരള ഗ്രാമീൺ ബാങ്ക് വള്ളിക്കടവ് ശാഖ മാറ്റി സ്ഥാപിക്കുന്നതിനെക്കുറിച്ചുള്ള ഈ പ്രതിഷേധത്തെപ്പറ്റി നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Kerala Gramin Bank branch shift sparks protest.

#KeralaGraminBank #Protest #Vallikkadavu #BankCrisis #RuralKerala #Malabar