കാസർകോട് മൂന്ന് റോഡുകൾക്ക് 8 കോടി 96 ലക്ഷം രൂപ അനുവദിച്ചു

കാസർകോട്: (KasargodVartha) കാസർകോട് നിയോജക മണ്ഡലത്തിലെ പ്രധാനപ്പെട്ട മൂന്ന് റോഡുകൾ അഭിവൃദ്ധിപ്പെടുത്തുന്നതിന് 8 കോടി 96 ലക്ഷം രൂപ അനുവദിച്ചതായി എൻ എ നെല്ലിക്കുന്ന് എം എൽ എ അറിയിച്ചു. റോഡുകളുടെ വികസന പ്രവർത്തനങ്ങൾ ഉടൻ ആരംഭിക്കുന്നതിനുള്ള നടപടികൾ പൂർത്തിയായി.

ഈ മൂന്ന് റോഡുകളുടെയും പ്രൊപ്പോസലുകൾ കാസർകോട് വികസന പാക്കേജ് ജില്ലാതല സമിതി യോഗം ചേർന്ന് അംഗീകരിച്ചു. ഇതിന്റെ തുടർച്ചയായി, പ്രൊപ്പോസലുകൾ അന്തിമ അംഗീകാരത്തിനായി സ്റ്റേറ്റ് ലെവൽ എംപവറിംഗ് കമ്മിറ്റിയുടെ പരിഗണനയ്ക്കായി അയച്ചു. ഉടൻ തന്നെ ഭരണാനുമതി ലഭ്യമാക്കാനാണ് അധികൃതർ ലക്ഷ്യമിടുന്നത്.

ഏറ്റവും കൂടുതൽ തുക വകയിരുത്തിയിട്ടുള്ളത് ബോവിക്കാനം - ബേവിഞ്ച റോഡ് കി മീ മൂന്ന് മുതൽ 4/200 വരെയുള്ള ഭാഗത്തിനാണ്. ഈ റോഡ് അഭിവൃദ്ധിപ്പെടുത്തുന്നതിനും പാർശ്വ സംരക്ഷണത്തിനുമായി 480 ലക്ഷം രൂപയാണ് ചെലവഴിക്കുക.

ഇതുകൂടാതെ, ചൗക്കി കുന്നിൽ - മജൽ - ഉജിർക്കര റോഡിന്റെ ബാക്കി ഭാഗം പൂർത്തിയാക്കുന്നതിന് 193 ലക്ഷം രൂപയും, കോട്ടക്കുന്ന് മൊഗർ മസ്ജിദ് റോഡിന് 223 ലക്ഷം രൂപയും വകയിരുത്തിയിട്ടുണ്ട്. ഈ മൂന്ന് റോഡുകൾക്കും ഉടൻ ഭരണാനുമതി ലഭ്യമാകുമെന്നാണ് പ്രതീക്ഷിക്കുന്നതെന്ന് എൻ എ നെല്ലിക്കുന്ന് എം എൽ എ വ്യക്തമാക്കി.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. ഷെയർ ചെയ്യുക.

Article Summary: Eight crore ninety-six lakh rupees sanctioned for three roads in Kasaragod.

#Kasaragod #RoadDevelopment #MLA #KeralaNews #Infrastructure #NA_Nellikkunnu