School Festival | 3 മത്സരങ്ങളിലും എ ഗ്രേഡ്; എറണാകുളത്ത് സ്‌കൂൾ കലോത്സവത്തിൽ തിളങ്ങി കാസർകോട് സ്വദേശിനി റിൻഷ ഫാത്വിമ

എറണാകുളം: (KasargodVartha) കാസർകോട് സ്വദേശിനിയായ റിൻഷ ഫാത്വിമ എറണാകുളം ഉപജില്ലാ അറബിക് കലോത്സവത്തിൽ മൂന്ന് മത്സരങ്ങളിലും എ ഗ്രേഡ് നേടി തിളങ്ങി. പുല്ലേപ്പടി ദാറുൽ ഉലൂം ഹയർ സെകൻഡറി സ്‌കൂളിൽ പത്താം ക്ലാസ് വിദ്യാർഥിനിയായ റിൻഷ, അറബി ഗാനം, അറബി സംഘഗാനം, അറബി പദ്യം ചൊല്ലൽ എന്നീ മൂന്നു മത്സരങ്ങളിലും ഒപ്പനയിലും എ ഗ്രേഡ് നേടിയാണ് കയ്യടി നേടിയത്.

എറണാകുളത്ത് താമസിക്കുന്ന തളങ്കര സ്വദേശിയായ റിശാദ് - തായൽ നായ്‌മാർമൂല പ്ലാവിന്റടിയിലെ ശജീറ ദമ്പതികളുടെ മകളാണ് റിൻഷ. കാസർകോട് നിന്ന് എറണാകുളത്തേക്ക് എത്തിയ റിൻഷ, കലോത്സവ വേദിയിൽ തിളങ്ങിയതോടെ കുടുംബത്തിനും സ്‌കൂളിനും സുഹൃത്തുകൾക്കും അഭിമാനമായി. 

അറബി ഭാഷയിലുള്ള പരിജ്ഞാനവും കലാപ്രകടനത്തിലെ അപാരമായ കഴിവുമാണ് റിൻഷയെ വിജയിയാക്കിയത്. കലോത്സവത്തിൽ പങ്കെടുത്ത വിദ്യാർഥികളുടെയും അധ്യാപകരുടെയും അഭിനന്ദനം നേടിയ റിൻഷ, ഭാവിയിൽ കൂടുതൽ ഉയരങ്ങളിലെത്തുമെന്ന പ്രതീക്ഷയിലാണ്. 

#RinshaFathima #ErnakulamArtsFestival #ArabicCompetitions #SchoolAchievement #Kasargod #CulturalExcellence