കാസർകോട് നഗരമധ്യത്തിൽ നാല് ദിവസമായി ശുദ്ധജലം പാഴാകുന്നു: പൈപ്പ് പൊട്ടിയിട്ടും അധികൃതർക്ക് അനക്കമില്ല

കാസർകോട്: (KasargodVartha) പുതിയ ബസ് സ്റ്റാൻഡിന് സമീപം മംഗലാപുരം സർവീസ് റോഡിൽ കാമത്ത് ഹോസ്പിറ്റലിന് അടുത്തായി വാട്ടർ അതോറിറ്റിയുടെ ശുദ്ധജല വിതരണ പൈപ്പ് പൊട്ടി നാല് ദിവസമായി വെള്ളം പാഴാകുന്നതായി പരാതി. 

നഗരവാസികൾ വിവരമറിയിച്ചിട്ടും വാട്ടർ അതോറിറ്റി തിരിഞ്ഞുനോക്കുന്നില്ലെന്ന് ആക്ഷേപമുയർന്നിട്ടുണ്ട്. പൈപ്പ് പൊട്ടിയത് മൂലം വാട്ടർ അതോറിറ്റിയുടെ ശുദ്ധജലത്തെ ആശ്രയിക്കുന്ന നഗരവാസികൾക്ക് വലിയ ദുരിതമാണ് ഉണ്ടായിരിക്കുന്നത്.

സർവീസ് റോഡിലെ നടപ്പാതയുടെ ജോലി പുരോഗമിക്കുന്നതിനിടയിലാണ് പൈപ്പ് പൊട്ടിയതെന്നാണ് പറയുന്നത്. നഗരമധ്യത്തിലായിട്ട് പോലും നാല് ദിവസമായി പൈപ്പ് പൊട്ടിയത് നന്നാക്കാനോ, ശുദ്ധജലം പാഴാകുന്ന ചോർച്ച തടയാനോ കഴിയാത്തത് വാട്ടർ അതോറിറ്റിയുടെ ഗുരുതരമായ അനാസ്ഥയാണെന്ന് നഗരവാസികൾ പറയുന്നു.

കാസർകോട്ടെ ഈ ശുദ്ധജല ദുരുപയോഗം അധികൃതരുടെ ശ്രദ്ധയിൽ കൊണ്ടുവരാൻ സഹായിക്കൂ. ഈ വാർത്ത ഷെയർ ചെയ്ത് അധികാരികളിലേക്ക് എത്തിക്കുക

Article Summary: Clean water wastage for four days in Kasaragod town due to a burst pipe; Water Authority accused of negligence.

#Kasaragod #WaterWastage #WaterAuthority #KeralaNews #PublicApathy #BrokenPipe