കാസർകോട് ജില്ലാ സ്കൂൾ കലോത്സവം: മത്സരാർത്ഥികൾക്ക് തുണയായി അഗ്നിരക്ഷാസേനയും ആംബുലൻസ് സർവീസും

മൊഗ്രാൽ: (KasargodVartha) 64-മത് കാസർകോട് റവന്യൂ ജില്ലാ സ്കൂൾ കലോത്സവ നഗരിയിൽ അഗ്നിരക്ഷാസേനയുടെയും ആംബുലൻസ് യൂണിറ്റിന്റെയും സേവനം ആദ്യദിവസം തന്നെ മത്സരാർത്ഥികൾക്ക് വലിയ ആശ്വാസമായി.

മൊഗ്രാലിൽ നടക്കുന്ന കലോത്സവത്തിന്റെ ഒന്നാം വേദിയിൽ തിങ്കളാഴ്ച രാത്രിയോടെ മത്സരാർത്ഥികളിൽ ചിലർക്ക് ദേഹാസ്വാസ്ഥ്യവും തലകറക്കവും അനുഭവപ്പെട്ടു. ഉടൻതന്നെ കലോത്സവ നഗരിയിൽ നിലയുറപ്പിച്ചിരുന്ന മെഡിക്കൽ ടീമും അഗ്നിരക്ഷാസേനയും ആംബുലൻസ് സർവീസും അടിയന്തര സഹായവുമായി രംഗത്തെത്തിയത് വിദ്യാർത്ഥികൾക്ക് അനുഗ്രഹമായി മാറി.

കാസർകോടിൽ നിന്നുള്ള അഗ്നിരക്ഷാസേന അംഗങ്ങളായ ശോബിൻ, അഭിലാഷ്, അരുണ എന്നിവർ ഉടനടി സ്ഥലത്തെത്തി ആവശ്യമായ സഹായങ്ങൾ നൽകി. മൊഗ്രാൽ ദീനാർ യുവജന സംഘമാണ് കലോത്സവ നഗരിയിൽ സൗജന്യ ആംബുലൻസ് സർവീസ് സേവനം ലഭ്യമാക്കിയിട്ടുള്ളത്. ഇവരുടെയെല്ലാം സമയോചിതമായ ഇടപെടൽ കലോത്സവ നഗരിയിൽ ഏറെ പ്രശംസ പിടിച്ചുപറ്റി.

കലോത്സവ നഗരിയിലെ ഈ മാതൃകാപരമായ സേവനത്തെക്കുറിച്ച് മറ്റുള്ളവരിലേക്കും എത്തിക്കാൻ ഈ വാർത്ത പങ്കുവെക്കൂ.

Article Summary: Fire force and free ambulance services offer timely medical aid to students at Kasaragod District School Kalolsavam.

#KasaragodKalolsavam #FireForce #AmbulanceService #Mogral #SchoolArtsFestival #ServiceExcellence