കാസർകോട് ജില്ലാ സാഹിത്യോത്സവം: ഉദുമ ഡിവിഷന് കിരീടം!

ബദിയടുക്ക: (KasargodVartha)  32-ാമത് എസ്.എസ്.എഫ് കാസർകോട് ജില്ലാ സാഹിത്യോത്സവിന് ബദിയടുക്കയിൽ പ്രൗഢഗംഭീരമായ സമാപനം. ‘വരാന്ത മാനിഫെസ്റ്റോ’ എന്ന ശീർഷകത്തിൽ ജൂലൈ മാസം 20-ന് ആരംഭിച്ച സാഹിത്യോത്സവത്തിൽ സാംസ്കാരിക സമ്മേളനം, വിദ്യാർത്ഥി സമ്മേളനം, കവിതാ സമ്മേളനം, വിവിധ വിഷയങ്ങളിലുള്ള പഠനങ്ങൾ തുടങ്ങിയവ സംഘടിപ്പിച്ചു.

സമാപനസംഗമം എസ്.എസ്.എഫ് ജില്ലാ പ്രസിഡന്റ് റഈസ് മുഈനിയുടെ അധ്യക്ഷതയിൽ സമസ്ത കേന്ദ്ര മുശാവറ അംഗം മുഹമ്മദ് അലി സഖാഫി ഉദ്ഘാടനം ചെയ്തു. എസ്.എസ്.എഫ് സംസ്ഥാന സെക്രട്ടറി മുഹമ്മദ് അനസ് സന്ദേശ പ്രഭാഷണം നടത്തി. 

സയ്യിദ് ഹസ്സൻ അഹ്ദൽ തങ്ങൾ, എസ്.എസ്.എഫ് സംസ്ഥാന പ്രസിഡന്റ് സയ്യിദ് മുനീറുൽ അഹ്ദൽ തങ്ങൾ, സയ്യിദ് ബാഹസൻ തങ്ങൾ പഞ്ചിക്കല്ല്, യു.പി.എസ് തങ്ങൾ അർളടുക്ക, ബി.എസ് അബ്ദുല്ല കുഞ്ഞി ഫൈസി, മൊയ്‌ദു സഅദി ചേരൂർ, പള്ളങ്കോട് അബ്ദുൽ ഖാദർ മദനി, സയ്യിദ് സൈഫുദ്ധീൻ തങ്ങൾ, സീതി കുഞ്ഞി മുസ്‌ലിയാർ, അബ്ദുറഹ്‌മാൻ അഹ്സനി, അഹ്മദ് ഷെറിൻ, ബഷീർ സഖാഫി, സിദ്ധീഖ് സഖാഫി ബായാർ, സിദ്ധീഖ് ഹനീഫി, സ്വാഗത സംഘം ചെയർമാൻ വടകര മുഹമ്മദ് ഹാജി, സ്വാഗത സംഘം ഫിനാൻസ് സെക്രട്ടറി ഖാദർ ഹാജി കൊല്ല്യ, കെ.എച്ച് മാസ്റ്റർ, എൻ.പി അബ്ദുല്ല ഫൈസി, അബ്ദുല്ല ദാരിമി, കെ.എം മുഹമ്മദ് പുണ്ടൂർ, നസീർ നഈമി, ബദ്രിയ മുഹമ്മദ്, സ്വാഗത സംഘം കൺവീനർ അബൂബക്കർ കാമിൽ സഖാഫി, കന്യാന എ.കെ സഖാഫി, അസീസ് ഹിമമി ഗോസാട, നംഷാദ് മാസ്റ്റർ, സഈദ് അലി, ബാദുഷ സുറൈജി, ഫയാസ് പട്ല, മുർഷിദ് പുളിക്കൂർ, ഇർഷാദ് കളത്തൂർ, ഹാഫിസ് അബ്ദുല്ല ഹിമമി, അബ്ദുൽ ഖാദർ സഖാഫി, ജംഷീദ് ചെടേക്കൽ, അബ്ദുൽ ബാരി സഖാഫി, കബീർ ബെജ്ജ തുടങ്ങിയ പ്രമുഖർ പങ്കെടുത്തു.

സാഹിത്യോത്സവത്തിൽ 657 പോയിന്റ് നേടി ഉദുമ ഡിവിഷൻ ഒന്നാം സ്ഥാനം കരസ്ഥമാക്കി. കാസർകോട് ഡിവിഷൻ രണ്ടാം സ്ഥാനത്തും ബദിയടുക്ക ഡിവിഷൻ മൂന്നാം സ്ഥാനത്തും എത്തി. ഉദുമ ഡിവിഷനിൽ നിന്ന് ഹാദി കലാപ്രതിഭയായും ശഹീം സർഗ്ഗപ്രതിഭയായും തിളങ്ങി.

ഇത്തരം സാഹിത്യോത്സവങ്ങൾ വിദ്യാർത്ഥികളിൽ എന്ത് സ്വാധീനമാണ് ചെലുത്തുന്നത്? നിങ്ങളുടെ അഭിപ്രായം പങ്കുവെക്കൂ.

Article Summary: Uduma Division wins Kasaragod District SSF Sahityotsav.

#Sahityotsav #Kasaragod #Uduma #SSF #LiteraryFestival #KeralaNews