പാലിയേറ്റീവ് രോഗികള്‍ക്ക് ആശ്വാസമായി കാസര്‍കോട് നഗരസഭയുടെ വിനോദയാത്ര

കാസര്‍കോട്: (KasargodVartha) ക്യാന്‍സര്‍ രോഗികളടക്കമുള്ളവരുടെ മനസ്സില്‍ ആശ്വാസത്തിൻ്റെ കിരണങ്ങള്‍ ഏകി കാസര്‍കോട് നഗരസഭയുടെ വിനോദയാത്ര. രോഗം മൂലം വീടിനകത്ത് തന്നെ കഴിയേണ്ടി വന്ന നിരാലംബരായ പാലിയേറ്റീവ് രോഗികള്‍ക്ക് വേണ്ടി നഗരസഭ ചെയര്‍മാന്‍ അബ്ബാസ് ബീഗത്തിൻ്റെ നേതൃത്വത്തിലാണ് ഈ സ്നേഹ യാത്ര സംഘടിപ്പിച്ചത്.

കാസര്‍കോട് നഗരസഭ പരിധിയിലെ പാലിയേറ്റീവ് രോഗികളുമായാണ് സംഘം തൃക്കരിപ്പൂര്‍ വീ ലാന്റിലേക്ക് വിനോദയാത്ര പോയത്. വീട്ടിനകത്ത് ഒറ്റപ്പെട്ട് കഴിഞ്ഞിരുന്ന രോഗികള്‍ക്ക് ഈ യാത്ര ഏറെ ആശ്വാസകരവും സന്തോഷം നല്‍കുന്നതുമായി മാറി.

വിനോദയാത്രയുടെ പ്രാധാന്യം നഗരസഭ ചെയര്‍മാന്‍ അബ്ബാസ് ബീഗം എടുത്തുപറഞ്ഞു. 'രോഗം മൂലം വീട്ടിനകത്ത് തന്നെ കഴിയേണ്ടി വന്ന നിരാലംബരായ രോഗികള്‍ക്ക് ഏറെ ആശ്വാസം നല്‍കുന്നതാണ് വിനോദയാത്ര. ഇവര്‍ക്ക് അല്‍പമെങ്കിലും സന്തോഷം നല്‍കാന്‍ പറ്റുന്നത് വലിയ കാര്യമായി കാണുകയാണെ'ന്ന് ചെയര്‍മാന്‍ പറഞ്ഞു.

യാത്രയില്‍ നഗരസഭയിലെ ഉദ്യോഗസ്ഥരും ജനപ്രതിനിധികളും രോഗികള്‍ക്ക് പിന്തുണയുമായി സജീവമായിരുന്നു. വികസന സ്ഥിരം സമിതി ചെയര്‍മാന്‍ സഹീര്‍ ആസിഫ്, ആരോഗ്യ സ്ഥിരം സമിതി ചെയര്‍മാന്‍ ഖാലിദ് പച്ചക്കാട്, കൗണ്‍സിലര്‍മാരായ ലളിത, രഞ്ജിത, മുന്‍ നഗരസഭാ ചെയര്‍പേഴ്സണ്‍ ബീഫാത്തിമ ഇബ്രാഹിം, സി.ഡി.എസ് ചെയര്‍പേഴ്സണ്‍ ആയിഷ ഇബ്രാഹിം എന്നിവരും വിനോദയാത്രയില്‍ പങ്കെടുത്തു.

കൂടാതെ, പി.എച്ച്.എന്‍ ജലജ, പി.എച്ച്.ഐ രാധാകൃഷ്ണന്‍, പി.ആര്‍.ഒ സല്‍മ, പാലിയേറ്റീവ് നഴ്സ് രമ, ആശാ വര്‍ക്കര്‍മാര്‍ തുടങ്ങിയ നഗരസഭയിലെ ആരോഗ്യ വിഭാഗം പ്രവർത്തകരും യാത്രയില്‍ സംബന്ധിച്ചു.

കാസർകോട് നഗരസഭയുടെ ഈ ഉദ്യമത്തെ നിങ്ങൾ എങ്ങനെ കാണുന്നു? ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Kasaragod Municipality organized a recreational trip for palliative patients to Vee Land.

#Kasaragod #PalliativeCare #VeeLand #RecreationalTrip #Municipality #SocialWelfare