കാസർകോട് നഗരസഭ-ഗവൺമെൻ്റ് ഹൈസ്കൂൾ ലിങ്ക് റോഡിൽ അരികിടിച്ചിൽ; ഗതാഗതം ദുരിതത്തിൽ, അടിയന്തര നടപടി വേണമെന്ന് ആവശ്യം

കാസർകോട്: (KasargodVartha) നഗരത്തിലെ വിവിധ ഇടങ്ങളിൽ റോഡ് തകർച്ച പൂർണമാകുന്നു. കെ പി ആർ റാവു റോഡിന് പിന്നാലെ കാസർകോട് നഗരസഭയിലേക്കും ഗവൺമെൻ്റ് ഹൈസ്കൂളിലേക്കും പോകുന്ന ലിങ്ക് റോഡിലുണ്ടായ അരികിടിച്ചിൽ യാത്രക്കാർക്ക് വലിയ ദുരിതമാവുകയാണ്. രണ്ട് വാഹനങ്ങൾ നേർക്കുനേർ വന്നാൽ റോഡിൽനിന്ന് വാഹനം താഴെയിറക്കാൻ കഴിയാത്ത അവസ്ഥയിലാണ് നിലവിൽ അരികിടിച്ചിലുള്ളത്. ഇതുമൂലം ഈ പ്രദേശത്ത് വലിയ തോതിലുള്ള ഗതാഗതക്കുരുക്കും അനുഭവപ്പെടുന്നുണ്ട്.

കാരണം മഴവെള്ളപ്പാച്ചിൽ

പുലിക്കുന്നിൽ നിന്ന് വരുന്ന വാഹനങ്ങൾ പലപ്പോഴും ഈ ലിങ്ക് റോഡിലൂടെയാണ് ടൗണിൽ പ്രവേശിക്കാറുള്ളത്. റോഡ് നല്ല ഇറക്കമുള്ളതിനാൽ കുത്തിയൊലിച്ചു വരുന്ന മഴവെള്ളം റോഡിലൂടെ ഒഴുകുന്നതാണ് വലിയ തോതിലുള്ള അരികിടിച്ചിലിന് കാരണമാകുന്നതെന്ന് തൊട്ടടുത്ത വ്യാപാരികൾ പറയുന്നു.

പരിഹാരം വേണം

ഗവൺമെൻ്റ് ഹൈസ്കൂളിലേക്ക് പോകാൻ 100-കണക്കിന് വിദ്യാർഥികൾ സഞ്ചരിക്കുന്ന നഗരത്തിലെ പ്രധാന റോഡാണിത്. ഇതിനുപുറമെ നഗരസഭയിലേക്കെത്തുന്ന ജനങ്ങളും ഈ റോഡിനെ തന്നെയാണ് ആശ്രയിക്കുന്നത്. അതുകൊണ്ടുതന്നെ റോഡിൽ എപ്പോഴും വലിയ വാഹനത്തിരക്കും അനുഭവപ്പെടാറുണ്ട്. 

അരികിടിച്ചിൽ തടയാൻ ടാറിങ്ങിൻ്റെ ഇരുവശങ്ങളിലുമായി കോൺക്രീറ്റ് ചെയ്ത് റോഡ് ഗതാഗതയോഗ്യമാക്കണമെന്നാണ് വ്യാപാരികളും നഗരവാസികളും ഒന്നടങ്കം ആവശ്യപ്പെടുന്നത്. അരികിടിച്ചിൽ മൂലം കാസർകോട് നഗരസഭ-ഗവൺമെൻ്റ് ഹൈസ്കൂൾ ലിങ്ക് റോഡ് വലിയ തകർച്ചയെ നേരിടുന്നതായി ചിത്രങ്ങളിലും വ്യക്തമാണ്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: The link road connecting Kasaragod Municipality and Government High School is facing severe shoulder erosion due to heavy rainwater runoff, causing significant traffic blocks. Merchants and local residents demand immediate action to concrete both sides of the tarred road.

#KasargodVartha #KasaragodNews #RoadDamage #KeralaNews #MalayalamNews #LocalNews #PublicIssue #AparnaNews