കാസർകോട് നഗരത്തിൽ ഹൈകോടതി നിർദേശം ലംഘിച്ച് അനധികൃത തട്ടുകടകൾ വ്യാപകമാകുന്നു; 101 കടകളുടെ ചിത്രങ്ങൾ കളക്ടർക്ക് നൽകാൻ വ്യാപാരികൾ

കാസർകോട്: (KasargodVartha) ജില്ലയിൽ ചെങ്കല്ലിന് വിലകൂട്ടാൻ ക്വാറി ഉടമകൾ ബോധപൂർവം കൃത്രിമ ക്ഷാമം ഉണ്ടാക്കുന്നുവെന്ന് ആക്ഷേപം. ഇതിനുപുറമെ കൂടുതൽ ചെങ്കല്ലിന് ഓർഡർ ലഭിക്കാൻ വേണ്ടി നിർമാണ ആവശ്യങ്ങൾക്കുള്ള ചെങ്കല്ലിൻ്റെ അളവിലും തൂക്കത്തിലും കുറവ് വരുത്തുന്നതായും ജനങ്ങൾക്ക് പരാതിയുണ്ട്. ഓർഡർ പ്രകാരം ക്വാറിയുടെ പരിസരപ്രദേശങ്ങളിൽ കല്ലൊന്നിന് 25 രൂപ മുതൽ 40 രൂപ വരെ ഈടാക്കുമ്പോൾ, ദൂരെയുള്ള സ്ഥലങ്ങളിലേക്ക് പോകുമ്പോൾ ഇത് 40 രൂപ മുതൽ 80 രൂപ വരെയായി ഈടാക്കുന്നതാണ് പ്രധാന ആക്ഷേപം.

അതിർത്തി കടത്ത്

ഇതേ ചെങ്കല്ല് കർണാടകയിലേക്ക് എത്തുമ്പോൾ ഒരെണ്ണത്തിന് വില 100 രൂപയാകും. മംഗളൂരിലും പരിസരപ്രദേശങ്ങളിലും നിർമാണ പ്രവർത്തനങ്ങൾ നടക്കുന്നതിനാൽ നിലവിൽ ചെങ്കല്ലിന് ക്ഷാമമാണ് നേരിടുന്നത്. ഇത് മുതലെടുത്താണ് കാസർകോട് ജില്ലയിൽ നിന്ന് ചെങ്കല്ല് അതിർത്തി കടത്തുന്നത്. ഒരെണ്ണത്തിന് 100 രൂപ വെച്ച് കിട്ടുമ്പോൾ അതല്ലേ ലാഭമെന്ന് ക്വാറി ഉടമകൾ കരുതുന്നു. ഇത് ജില്ലയിൽ ചെങ്കല്ലിന് ക്ഷാമം ഉണ്ടാക്കുന്നുവെന്നാണ് നാട്ടുകാരുടെ പ്രധാന പരാതി.

അധികൃതരുടെ മൗനവും വിജിലൻസ് പരിശോധനയും

സർക്കാരിൻ്റെയോ അനുബന്ധ വകുപ്പുകളുടെയോ അനുമതിയും ഇല്ലാതെയാണ് ജില്ലയിൽനിന്ന് ദിവസവും കർണാടകയിലേക്ക് ചെങ്കല്ല് കടത്തുന്നത്. ഇതിന് പ്രാദേശിക അധികൃതരുടെ ഒത്താശയുണ്ടെന്നും ആക്ഷേപമുണ്ട്. ജില്ലയിൽ പ്രവർത്തിക്കുന്ന ഒട്ടുമിക്ക ക്വാറികളും നിലവിൽ ജിയോളജി വകുപ്പിൻ്റെ പ്രാഥമിക അനുമതി പോലുമില്ലാതെയാണ് പ്രവർത്തിക്കുന്നതെന്നും പറയുന്നു. അനധികൃത ഖനനത്തെക്കുറിച്ച് പരാതി ഉയർന്നതോടെ കഴിഞ്ഞമാസം ചെങ്കല്ല് ക്വാറികളിൽ വിജിലൻസ് വിഭാഗം പരിശോധന നടത്തിയിരുന്നു. എന്നാൽ ഇതിന് ശേഷം തുടർനടപടികളൊന്നും സ്വീകരിച്ചിട്ടില്ല.

സുരക്ഷയില്ലാത്ത ക്വാറികൾ

അയൽസംസ്ഥാനമായ മംഗളൂരുവിൽ നടന്ന ക്വാറി ദുരന്തത്തിൽ ഈ അടുത്തിടെ ഏഴ് തൊഴിലാളികൾ മരിച്ചിരുന്നു. യാതൊരു സുരക്ഷാ സംവിധാനങ്ങളും മുൻകരുതലുകളും ഇല്ലാതെയാണ് ഈ ക്വാറികൾ പ്രവർത്തിക്കുന്നതെന്ന ആക്ഷേപം മംഗളൂരു ദുരന്തത്തിന് മുൻപേ നിലനിൽക്കുന്നുണ്ട്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Laterite stones smuggled from Kasaragod to Karnataka amid artificial scarcity.

#KasargodVartha #KasaragodNews #LateriteQuarry #IllegalMining #KeralaVigilance #MangaluruNews #MalayalamNews #EnvironmentalProtection #AparnaNews