കാസര്‍കോടിനെ വരള്‍ച്ച ബാധിത ജില്ലയായി പ്രഖ്യാപിക്കും

കാസര്‍കോട്: (www.kasargodvartha.com 27.03.2018) കാസര്‍കോടിനെ വരള്‍ച്ച ബാധിത ജില്ലയായി പ്രഖ്യാപിക്കാന്‍ സര്‍ക്കാര്‍ തീരുമാനം. കാസര്‍കോടിനു പുറമെ മറ്റ് എട്ട് ജില്ലകളെയും വരള്‍ച്ച ബാധിതയായി പ്രഖ്യാപിക്കാനാണ് തീരുമാനിച്ചിരിക്കുന്നത്. ആലപ്പുഴ, കണ്ണൂര്‍, ഇടുക്കി, കോഴിക്കോട്, മലപ്പുറം, പാലക്കാട്, തൃശ്ശൂര്‍, വയനാട് എന്നീ ജില്ലകളെയാണ് സംസ്ഥാന ദുരന്തനിവാരണ അതോറിറ്റി വര്‍ള്‍ച്ച ബാധിത ജില്ലയായി പ്രഖ്യാപിക്കാന്‍ തീരുമാനിച്ചത്.

ഇതുസംബന്ധിച്ച് ഔദ്യോഗിക പ്രഖ്യാപനത്തിന് സംസ്ഥാന റിലീഫ് കമ്മീഷണര്‍ക്ക് അതോറിറ്റി നിര്‍ദേശം നല്‍കിയിട്ടുണ്ട്. മഴയുടെ കുറവ്, ഉപരിതല ജലത്തിന്റെയും ഭൂജലത്തിന്റെയും ലഭ്യതക്കുറവ്, ഉപ്പുവെള്ളത്തിന്റെ കടന്നുകയറ്റം മുതലായ സൂചികകള്‍ കണക്കിലെടുത്താണ് കാസര്‍കോട് ജില്ലയെ വരള്‍ച്ചാബാധിതമായി പ്രഖ്യാപിക്കുന്നത്.
< !- START disable copy paste -->