സിഎഎ, എൻആർസി ഹർത്താൽ കേസ്; എസ്ഡിപിഐ നേതാക്കളെ കോടതി വെറുതെ വിട്ടു

കാസർകോട്: (KasargodVartha) പൗരത്വ ഭേദഗതി നിയമത്തിനെതിരെ എസ്ഡിപിഐയുടെ നേതൃത്വത്തിൽ നടത്തിയ കേരള ഹർത്താലുമായി ബന്ധപ്പെട്ട് പൊലീസ് എടുത്ത കേസിൽ പ്രതികളെ കോടതി വെറുതെ വിട്ടു. എസ്ഡിപിഐ മുൻ ജില്ലാ പ്രസിഡൻ്റ് എൻ യു അബ്ദുൽ സലാം, ജില്ലാ ജനറൽ സെക്രട്ടറി ഖാദർ അറഫ, ഗ്രാമപഞ്ചായത്തംഗം ശമീർ ആസാദ് നഗർ, സഅദ് ഉളിയത്തടുക്ക, നാസർ കൊറകോട് എന്നിവരെയാണ് കാസർകോട് ജുഡീഷ്യൽ മജിസ്ട്രേറ്റ് കോടതി വെറുതെ വിട്ടത്.

കേസിനാസ്പദമായ സംഭവം

2019 ഡിസംബർ 17-നാണ് കേസിന് ആസ്പദമായ ഹർത്താൽ നടന്നത്. കേന്ദ്ര സർക്കാർ കൊണ്ടുവന്ന സിഎഎ, എൻആർസി എന്നിവയ്ക്കെതിരെയായിരുന്നു അന്ന് സമരവും ഹർത്താലും സംഘടിപ്പിച്ചത്. 

ഹർത്താൽ ദിനത്തിൽ അന്നത്തെ കാസർകോട് സിഐ അബ്ദുൽ റഹീമിനെയും രണ്ട് പൊലീസുകാരെയും മർദിച്ചുവെന്നും ഔദ്യോഗിക കൃത്യനിർവഹണം തടസ്സപ്പെടുത്തിയെന്നുമാണ് പൊലീസ് ചുമത്തിയ കേസ്. ഇതിൻ്റെ ഭാഗമായി എസ്ഡിപിഐ നേതാക്കൾക്കും പ്രവർത്തകർക്കുമെതിരെ കേസെടുക്കുകയായിരുന്നു.

കേസിൽ പ്രതിഭാഗത്തിന് വേണ്ടി കാസർകോട്ടെ അഭിഭാഷകൻ അഡ്വ. സക്കീർ അഹ്‌മദാണ് ഹാജരായത്. 

 Updated

ഈ വാർത്ത നിങ്ങളുടെ വാട്സാപ്പ് ഗ്രൂപ്പുകളിൽ ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Kasaragod court acquits SDPI leaders in the 2019 CAA hartal case.

#KasaragodNews #SDPI #CAA #NRC #CourtVerdict #KeralaNews #PoliticalNews #AparnaNews